مين سوت لولدها عملية لاسنانه وهو صغير

السلام عليكم ورحمة الله وبركاته
ياامهات ياحلوات عندي طفل عمره سنتين
قبل شهر تقريبا خبط براسه عالارض واتكسرت اسنانه اللي فوق
وصار العصب مكشوف 
طبعا كان يبكي ويتوجع وماياكل ابد قعد كم يوم كان يخف بالمسكنات
ولما وديته للدكتور قالي لازم عملية وببنج كامل عشان يسحبو العصب ويصلحو اسنانه
وقالي خليه اسبوع وشوفي لو خف الالم ولا لا
الحين بعد مامر شهر الحمدلله اكله احسن بس ياكل ويشرب عالجنب ولو اكل شي قاسي وجا على العصب يبكي 
والدكتور يقول لازم من العملية ولو تركتيه ممكن يموت العصب بعد فترة طويلة لكن حيسبب له مشاكل اما خراج او غيره
وانا مترددة مرة من العملية بسبب البنج الكامل وقلبي يوجعني على ولدي من العملية
وفي نفس الوقت زعلانة عليه موقادر ياكل مظبوط وهو ضعيف خلقة والحين ضعف اكثر مع قلة الاكل 
ياليت اللي مرت بنفس الشي هل في امل ان العصب يموت من نفسه من غير مشاكل وفي فترة قصيرة
ومين سوت لولدها العملية وكيف كانت