أنا شفت من الممثلين لأن الفنان راشد الشمراني كان ساكن معنا بالعمارة وكان يجوون زيارات ناصر القصبي وعبدالله السدحان وبكر الشدي الله يرحمه وخالد سامي والفنان إللي كان يجي في عيال قرية إللي يتزوج عمتهم ماأدري وش اسمه وراشد الشمراني نفسه..... يوسف الجراح
من اللاعبين ياكثر ماأشوفه في المطار ويكون معنا بنفس الرحلة ياسر القحطاني ونواف التمياط ومحمد الشلهوب وفيه لاعبين هلالين بس ماأعرفهم
فريق الأهلي وفريق الإتحاد شفت بعضهم بس ماأعرف إلا محمد نور
شفت تركي الفيصل وخواته كلهم وحرمته وبناته وعياله في مهرجان أيام سعودية في مانشستر ببريطانيا وشفت مذيعة بأوربت ماأعرف اسمها بنفس المهرجان
الأمير خالد بن بندر بن عبدالعزيز شفته في بيتنا جاء يعزي أبوي في وفاة جدتي لأنهم أصحاب في العمل..
وفي مصر شفت والله مستحية أقول شعبان عبدالرحيم كنا بمطعم وجاء فيه
شفت بلبنان ميادة الحناوي
وبزواج شفت عتاب الله يرحمها قبل ماتموت ....
ونسيت شفت ماجد مطرب فواز وإحنا صغار كان يجي ملاهي الروضة باستمرار وكنا نلعب معاه...
وشفت بحفل تخرج أختي.... الأميرة الجوهرة الإبراهيم وحفل تخرجي..... الأميرة عبير بنت عبدالله بن عبدالعزيز .....والأميرة العنود بنت تركي بن عبدالعزيز مديرة مدرستي في الإبتدائية.... وطبعا بعض بنات آل سعود في مدرستنا صعب ذكر اسماءهم لكثرتهم....
يعني شفت كوكتيل من الناس ....والله يرزقني بشوفة الناس الصالحة.....
وبالأخير ماأنسى خشتي الكريمة بالمرآية
انا شفت الراحل الله يغفرله ويرحمه يارب طلال مداح في النفق اللي في طريق الملك في جدة كانت ايام مطر وسيارتنا اطعطلت ولمن شافنا وقف لأنه تجمعه صداقه قديمه بالوالد وكان معاه عيلته احبه مرة الله يرحمه بس
الصفحة الأخيرة
للاسف انا شفت وليد توفيق بمطعم في باريس
وشفت كاظم بفندق في لبنان
وشفت احمد الشقيري بمطعمه اندلسيه
ويارب تتحقق امنيتي واشوف السديس