مين شاف مصيبه غيره هانت عليه مصيبته

بسم اللله الرحمن الرحيم
كيفكم اخواتى..ان شاء اللله اموركم تمام
انا واللله كنت مترددده كتيير في سرد مشكلتي لاكن الان قرررت افضفض عن الي اعاني منه لاني بصراحه مالقيت حل عند اي احد وان شاء اللله الاقيه عندكم
ما اطول عليكم
في بدايه زواجي تنازلت كتيير عن حقوقي كاي عروس بسبب ظروف زوجي ...هو وضعه ممتاز لاكن عليه قروض خسر فلوسها كلها بصراحه في زواجه السابق الي مادام حتى شهرين.
تزوجت حتى ماعندي اثاث لان الاثاث السابق راح في حاله
المهم سكنت في شقه اللله العالم فيها في دور عالي وبدون مصعد حملت وولدت وطول هالفتره اكتشفت ان زوجي مدمن نت وسوالف مع بنات ولما كلمته ان هالشي مو صحيح قال انا رجال وحر في تصرفاتي ويبطل عن تفاهاته وبعد فتره يرجع للي كان عليه
وتحصل مشكله اطلب منه اثاث تحصل مشكله والمشكله الاكبر ان كل صغير وكبيره بيني وبينه يقولها لاهله -مع الملاحظه ان في اختلاف بين عادات اهله واهلي-المهم وصلت المشاكل للضرب والسب والاهل يؤيدوه لانه يصرفهم مع ان الكل عارف ان هالشي غلط حتى اخواته المتزوجات يعطيهم مصروف ويكسيهم في الاعياد وانا مافكر حتى انه ياثث لي غرفه وكل شهر تطلع ظروف عند اهله ويعتذر عن حقوقي الحين صار سنتين وانا ماتقدمت خطوه وعندي طفله وكل يوم واحنا في المشاكل
لا والمصيبه الاكبر ان اصحابه كلهم عزاب ودايما يزنون عليه بالسفر والحين الاستاذ مخطط على سفره بس ما قال لي لانه يبي يفاجئني ويسافر واذا فتحت فمي طبعا راح آكل علقه واروح بيت اهلي وارجع زي ماكنت:(
طول وقته مشغول عني بالنت او بالسهر مع اصحابه واذافتحت فمي الكل قام عليا واهلي ناس طيبين مايحبون لي خراب البيت واخواني صغار
فلوسه كلها مضيعها في السفر والتفاهات ...اسلوبه همجي مايعرف امور الزوجيه ...اناني كل شي لنفسه حتى الفسح والسهرات له لوحده وبس لانه هو الرجال..عند اي مشكله ياخد كل شي جابه ليا وممكن يقطع ملابسي الجديده ...مع اني والللله العظيم على قدر من الجمال وقمه في الاناقه وعلى قدر من العلم وست بيت ممتازه ..بس مادري ليش يعاملني كده .
كم مره طلبت منه الانفصال لاكن هو رافض وااقول في نفسي حرام عشان الطفله مالها ذنب..بعض الاحيان اشك انه يعاني حاله نفسيه واللله اعلم
اخواتي في اللله اعطوني الحل وكيف امنعه من السفر بطريقه غير مباشره وكيف اتعامل معه ومع اهله انا بصراحه احبه ..,.ومابي خراب بيتي
ولكم مني زجيل الشكر