مين صابتها عين منعتها من الزواج بعدين اتزوجت او اتزوجت في سن متأخرة

السلام عليكم ورحمة الله
.........
.....
..

اخواتي انا شبه متيقنة ان فيه حاجة تمنعني من الزواج

تقدم لي شخص بعدمااعجب بصفاتي وكان عاقد النيه خلاص علي

والحمدلله انا واهلي متعاملين معاه بالتروي وماكنت ابغي افكر فليه او حاجه

لانهم مدحولي اياه وقالو صفاتو وشكلو وكانت جميله

بس كنت خايفه اشغل بالي وبعدين مايصير حاجه

وكان الي متخوفه منو حصل واتفركش الموضوع والحمدلله

قالت لي امي اتصدقي يحصل موضوع خطبه بعدين يصير حاجه تمنع !!

أقرا على نفسي وادعي واعمل كلي الي اقدر عليه الحمدلله

مين صار لها زي حالي واتزوجت انسان كويس ايش عملت ؟؟

كمان يابنات ابغي منكم جواب على سؤالي بس ماابغي مجاملات جزاكم الله خير

مين اتزوجت في اواخر العشرين يعني بال 27 او 28 او فوق هدا العمر وهي زوجه اولى

كانو اهل خطيبك او خطيبك عارفين بسنك وقت خطبوك

ووقت عرفوا بعمرك اترددو وإلا ماعجبهم

انا شكلي صغيره ويشوفوني يحسبوني في الجامعه لان وجهي بيبي فيس ووالحمدلله

لكن الوحده وقت تتزوج متأخر يتعامل معاها الرجال حسب عمرها

او حسب شكلها والرجال يتحارش مع زوجته بعمرها ويقول انه متضايق انه مااخد وحده صغيره؟؟

الحمدلله مرتاحه والله لولا الإيمان بالله ماكنت حسيت بالفرح يوم
بس قولو امين انها المحنة الي تجي وراها المنحه

ولاتنسوني من دعواتكم يمكن تصدف دعوتكم باب في السماء مفتوح
مايهم تكتبو دعوتكم هنا ادعو في نفوسكم اهم حاجه دعوه صادقه
وكمان ماحنساكم دايم ادعي الله ان كل من دعت لي ربي يفرج عليها ويجيب مبتغاها ويغفر لها