ضوء حلم :

وعليكم السلام ورحمة الله وبركاته . يا اختي اشفيك مستعجله ومتخوفه كذا ؟ الحمدلله انك رحتي لطبيبه كويسه مالعبت عليك بحبوب او ابر او اشياء ماتحتاجيها ان شاء الله . الحمل جدا صغير وكل الحملات في بدايتها ضعيفه ،، مافي يدك ولايدنا اي شي ، والله لو تجمعو عليك افضل الاطباء عشان يثبتوه لك وربي كاتب له يطيح راح يطيح ، ولو كنتي وحده رافضه الحمل وسويتي كل شي عشان يطيح وربي كاتب له يستمر راح يستمر . اقراي على نفسك وبطنك الاذكار ، واستودعيه الله الذي لاتضيع ودائعه . ريحي نفسك من مجهود البيت او العمل الزايد ، لو مو مرتاحه وقت الجماع خففوه او اقطعوه حتى يرتفع الحمل شوي . وخذي من الصيدليه حبوب فوليك خمسه جرام ، وحبوب اسبرين الحوامل بيعطيك اياها الصيدلي . وبس هذا كل اللي عليك حاليا مادام وضعك طبيعي ومامعك مغص قوي وغريب او افرازات دمويه او التهابات ماعالجتيها . اذا عديتي الاسبوع السابع ان شاء الله سوي اشعه تتطمني على الحمل وتسمعي النبض ، لو شافت لسى ضعيف او فيه دم راح تكتب لك مثبت . لاتسمعي كلام زوجك وتهديداته ، فهميه بطريقتك بهدوء ولطف ياحبيبي ياعمري طلبتك لاتقول لي كلام يضيق صدري وتقول باعرس عليك ومدري ايش حتى لو بس تمزح معي ، ربي كتب ان الحمل اللي فات يطيح ولازم نصبر على الابتلاء حتى يجازينا ربي خير ويعوض صبرنا .. ولاتخلي نفسيتك تتوتر والله مو زين على الحامل خصوصا اول الحمل ، المشاكل وضيقة الصدر والاحباط والاكتئاب ياثر على الحمل في كل مراحله ابتعدي عنها ،، خليك مبسوطه وراضيه بقسمة ربي والحمدلله على عطاياه . الله يسهل عليك ويثبت لك حملك ويكتب لك اللي فيه الخير .

وعليكم السلام ورحمة الله وبركاته . يا اختي اشفيك مستعجله ومتخوفه كذا ؟ الحمدلله انك رحتي...