مين صار معها شي مثل كذا بسبب الشغاله ... افيدوني الله يحرم وجيهكم على النار

خواتي باختصار شغالتي لها عندي سنه وشوي وهي اندونيسيه لاحظت من يوم جت امر غرييييب اول مره الاحظه بالشغالات... ترا ماهي اول شغاله تجيني .... لاحظت ان كل ماهاوشتها لو شي بسيط تحصل لي مصيبه قويه ... يعني شي ماهو مألوف ابد ....

وترى يابنات اقسم بمن فلق الحب والنوى اني ماأحب اظلمهم وما اتعدى عليهم بدون سبب قوي ابد وبس كلام أما اني أمد يدي عليها اعوذ بالله اني اسويها ...يعني مثال مره لقينها مفككه المكنسه قسم بالله لقطع صغيره يالله رجعتهم لانها عجزت تردها (( المكنسه الكهربائيه )) وخاااافت يوم شافتني وقامت تجري مثل اللي مسويه بلا وتحججت انها عشان تنظفها وانها عادي تسوي كذا عند كفيلها الاولي بصراحه شكلها شككني يوم طبيت عليها ان الامر ماهو نظافه والا فاكه جهاز كهربائي بالمفك لقطع محد يتخيل غير اللي شاف .... وكانت متخبيه في مكان وسبحان الله ربي يمكن خلاني اكفشها ... فقدتها ودورت عليها وماهو بعادتي مخليتها بالشغل براحتها تسوي اللي يريحها كله من باب الرحمه واتغاضى عن تقصير كله افكر بغربتهم عشان لقمة العيش ...

المهم ومره يابنات بس قلتلها رتبي مو بس كنس لما كنست الصاله ومخدات الكنب بعضها بالارض ... قسم بالله يابنات راحت وهي معصبه وتتكلم ودقايق الا صارت مصيبه كبيره والغريبه شافت المصيبه ولا اسألت بس تدور هنا وهناك وماهي عادتها كل شي تسأل عنه وكثيرة هرج.. اقسم بالله مابالغ وماهي مره او مرتين يمكن اللي عديتهم بس يمكن اكثر من عشر مرات ...

صرت اعرف لو دوب اكلمها بيصير شي وفعلا شوي الا صاير شي مو عادي ....طبعا مالاحظت من اول مره يمكن من ثالث او رابع موقف ....قلت لزوجي بالبدايه قال اني ابالغ بعدين صدقني لما شاف معي اللي يحصل ...بتقولون ليش اكلمها ... طيب قسم بالله يابنات انو غسالتين وحده امريكيه اصليه مالها اربع سنوات وتمام على يدي خربت هي وغساله عاديه بنفس الاسبوع ... والغساله الثانيه قسم بالله العظيم مالي اسبوع شاريتها والفاعل مجهول والسبب مجهول

والمكنسه انحرقت مره واسألها تقول مادري وقسم بالله سكت ومااتهمتها فذي الاشياء كلها ... والغساله مافيها امل شرينا وحده ثالثه وهددتها لو تخرب بشري غساله من راتبها ... اول مره اهددها على كثر ماتخرب... وفجرتلي قدر الظغط وعدم السقف ... واشياء ياساتر بس بختصر ....

وفيها صفه اعوذ بالله إذا جيت من السوق الا تجي وعيونها يالطيف بتنط صرت اخبي الاغراض عنها واعطيها كل ماجي من السوق اقول عشان مانتكسر نفسها بلا منه ....

ومره بعد كلام بسيط مني لقيها زوجي تكتب ورقه وبسرعه تكرمشها ورفضت تعطيهياه حاول معها بس اصرت وبقوه .... تهقون مسويه سحر انتقام او شي من هالقبيل

بتقولون سفريها بس لا كيف اسفرها وأنا شاكه انها مسويه شي وبعدين وين القاها لو ثبت انها مسويه بلاوي
ابغ اتأكد هل هي ساحره او لا كيف اللي عندها علم تقولي ربي لايوريها شر بحياتها
انا محافظه على الاذكار خاصة بعد ماشكيت فيها بقوه ... الاحظ ان ربي يلطف الحمد لله باللي يحصل يمكن عشان الاذكار ... وصدقوني اللي يصير ماهو هين ...
الاحظها تتكلم احيان عن الانتقام وانه لما كانت عند كفيلها الاول وحده سوتلها شي وكلها كم يوم بس ودخلت المستشفى بسبب اصابه بليغه وتتكلم فيها بفخر بعد

يابنات قسم بالله تجيلي لحظات اكرهها كره مهو طبيعي لدرجة مابغى اشوف وجهها وخاصه لما شربت ماء مقري فيه
زوجي رافض يسفرها لانه ماثبت عليها شي ظاهر

رحت مره لشيخ بسبب الام احس فيها بين كتوفي وبعض اجزاءجسمي ماحسيت فيها الا هالسنه سالني عندك شغاله واكد علي كثير احرص منها بالرغم اني قلتله لا ماتهمها بشي

بنات كيف اتأكد هي تسوي شي او لا احسني مدري كيف ابدا كاني مربطه حتى عن تفتيش اغراضها

معليش بنات على اسلوب الكتابه ملخبط ...بنات والله اللي تدلني على حل تمام والله لادعيلها بخالص الدعوات