السلام عليكم ورحمة الله وبركاته
وشلونكم ياحوائيات؟؟؟
أبي أسوي إستفتاء<<حلوة استفتاء لسالفة صارت وتناقشنا فيها أنا وزوجي أبي أشوف مين الصح أنا ولا زوجي..
السالفة ياطويلات العمر..
رحت أنا وزوجي السوق..وحنا وسط المعمعة..
الا واسمع صراخ في المحل اللي قدامنا..
وتطلع بنت الله المستعان..الحشمة في وادي وهي في وادي..
يعني متبرجة وشكلها ملفت..الراس من ورى مسوية فيها نفخة..ولثمة..عيونها وجبهتها ووجناتها واضحة..وحاطة مكياج بصراحة فاتن..والعباية مخصرة..
يعني بوجه عام ملفتة..الله يهديها..
وقدامها واحد شاب..منحرج..وهي تصرخ عليه وتقول خييير وش تبغى وكلام كثير والله نسيته..ونظرتها له ماني قادرة أنساها..بصراحة نظرات وقحة وقوة عين..يعني قريبة منه مرة..وعينها في عينه..وهو يطالع فيها وفينا وخجلان مرررررررة..
وهي تتكلم عليه وتقول له انقلع ياللي فيك وفيك..وأفتكر قالت روح مشط شعرك قبل تعاكس ياقليل الأدب..وصوتها يلعلع..
هو واضح كان يبي يلم الموضوع بس ماهو عارف..
المهم البنت هزأته وأنا حسيت انها وهي تهزأه كانت تبي تلفت نظر الناس لها..بعد ماخلصت ضحكت بصوت عااالي وبدلع..والكل يسمع..ومشت وبيدها الجوال..الظاهر انها كانت تكلم ورحعت كملت المكالمة..والرجال واقف مكانه..شوي الا وراح من طريق ثاني غير طريقها..وشكله فكر شوي..ورجع مشى من نفس الطريق اللي مشت فيه..وهو يرجف وواضح انه مقهووور..
المهم انا وزوجي من أول ماصرخت عليه الى ان انتهت السالفة وحنا واقفين قدام المحل بنفس الشكل..بصراحة انصدمنا..بحكم ان روحاتنا السوق قليلة..تفاجأنا في هالموقف..
المهم أنا بصراحة احتقرت البنت بالمررررررة..وقاعدة أقول انها هي اللي قليلة أدب..لو إنها تستحي ماراحت السوق بهالشكل..وهي السبب في كل اللي صار..بصراحة بشكلها ذا كأنها تقول للشباب شوفوني وعاكسوني..المرأة فتنة..وهذا شاب ممكن ماقدر يقاوم فتنتها..وقال أكيد انها بتعطيني وجه دام هذا شكلها..
وزوجي يقول هو قليل أدب وهو السبب..ماهو معذور..حتى لوشاف بنت متبرجة..الواحد يخاف من الله ويخاف على أخواته وبناته..البنت ماشية في حالها وهو تعرض لها..
قولوا لي مين الصح أنا ولا زوجي؟؟؟
أم العفايف @am_alaafayf
محررة فضية
يلزم عليك تسجيل الدخول أولًا لكتابة تعليق.
حبيبتي المفروض الولد مايقرب منة تدرين ليش لنة حثالة ووسخة اكيد لمسه الف شاب مادام هذا اسلوبة يعع مالت علية
المفروض ماتطول صوتة حتي لو غزلة صوت المراة عورة المفروض ماتطول صوتة بس الحق مع الشاب طبعنا
المفروض ماتطول صوتة حتي لو غزلة صوت المراة عورة المفروض ماتطول صوتة بس الحق مع الشاب طبعنا
الصفحة الأخيرة
الله يعين على هالدنيا بس