charming_roro
جزاك الله خير على ذكر تجربتك
ودي اعرف مركز ايثار كيف نظامه زي المدارس
او انه يقعد عندهم وفين موقعه واذا عندك رقمه ياليت ترسلينه
والله يشفي عيالنا يارب ويفرج عنهم ياحي ياقييوم
جزاك الله خير على ذكر تجربتك
ودي اعرف مركز ايثار كيف نظامه زي المدارس
او انه يقعد عندهم وفين موقعه واذا عندك رقمه ياليت ترسلينه
والله يشفي عيالنا يارب ويفرج عنهم ياحي ياقييوم
الصفحة الأخيرة
انا اول شي كنت ابغا مركز اسمو الايدي الصغيرة في جدة التحلية وسمعت انه الجروب كلو كان في مركز التاهيل في فقيه واتشجعت وفجاة زوجي جا قلي لا المركز جديد وماسمعنا فيه صارت مشكلة ايامها انا كنت ابغاها وحجزت موعد التسديد وكل شي وفجاة زوجي جا قلي على مركز ايثار قلي سجليه فيه قلتلو من فين جبت المركز دا هو عشان عمله في مجال الفنادق فالمراكز تجي تحجز قاعات عشان حفلات اخر السنة فجو وقابلوه وارتاح لهم وخاصة انه قديم
انا قلت باروح اشوف ورحت المركز وشافتو المديرة والاخصائية قالتلي احنا مانحكم عليه دحين نحكم ايش عنده بعد 3 اسابيع اول شي ياخد علينا ويتعود على المكان ويصير على طبيعتو كانو في بيتو وقتها نقدر نشخص حالتو واتشجعت وسجلتو حطوه بفصل اطفال التوحد بس اللي عندهم سمات مشي اول ترم واتحسن وعملولو خطة تخصو والسنة دي كملت معاهم الحمدلله ولدي صار يفهم ومع جلسات التخاطب صار يقول كلمات ويحاول يتفاعل معانا بس لسه يبغالو كمان شويا وحاليا نقلوه فصل مستواه اعلى فصل مايخص التوحد الحمدلله طلع من التوحد وعنده فقط تاخر استيعاب و تاخر نطق فرط الحركة خف والتوحد راح الحمدلله وفصلو اللي يطلع منو بإذن الله على الروضة
لا تياسي انتي و ادعي دايما انه ربي يرفع عنه
بالنسبة لمركز العون حرامية و غير كده بواسطات لاني انا وصحبتي في نفس الفترة كلمناهم و قالو نقبل الاطفال من فترة سن التدخل المبكر يعني من سن الرضاعة تخيلي بس ولا يتعاونو لما تتصلي عليهم ولا شي ابدا ما ارتحتلهم ولا حبيت معاملتهم اصلا
وبالنسبة للمركز اللي كنت ابغاه الايدي الصغيرة صحبتي حطت بنتها فيه اول شي المديرة تصرخ في الاطفال تخيلو ودا اكبر غلط و تاني شي يوزعو الاطفال في فصول على اساس العمر يعني يخلطو الكل مع بعض بمختلف الحالات
ومركز تنمية الفكر صحبتي ولدها عندو فرط حركة وتشتت انتباه جلس سنة فيه وكانت تدفع مبلغ كبير كل شهر اظن 4000 الاف واخر ما استفاد شي وخرجتو منو
انا لحد دحين باسال عن المراكز واعرف ايش الافضل
وان شالله قلت ولدي على سنة اولى باسجلو في مدرسة العلا الحديثة عندهم فصول دمج وهيا اول مدرسة في المملكة تطبق نظام الدمج
والله يرفع عن عيالنا يارب ونشوفهم احسن الاولاد