مين عالجت في مستشفى الحرس بالرياض

ان شاءالله البنات يفيدوووووووونج :26:

ما أدري والله ياأختي
اللي أعرفه إن بنت خالتي (سعودية طبعا) مدحوا لها دكتورة ممتازة في الحرس لأن عندها ورم ليفي
وسوتها في الحرس على حسابها وجلست أسبوع وكلفتها الغرفة الخاصة مع العملية 15000 ريال..
الله ييسر أمرك وماتشوفين شر..

الغاليه ام رغد
انا الي اسمعه ان الحرس ما عليه كلام والدكاتره ممتازييييييييييييييييين
وبالنسبه للدكتور محمد بقنه الي اعرفه انه استشاري نسا وولاده ورئيس قسم العقم واطفال الانابيب بالحرس يعني هذا شغله بالحكومي
لكن عيادته بمركز الحبيب (عيادته الخاصه)
ممكن سؤال انت اتصلتي على المركز والاسمعتي بس

السلام عليكم ورحمه الله وبركاته
شكرا اخواتي ما قصرتوا بس انا سمعت ان الدكتور البقنه ترك الحبيب اذا كان فيه احد الج عنده قريب يا ليت يعلمني

اختي خاله دانه
انا اتصلت عليهم قبل رمضان ورد على ابن حلال وهو اللى قال لى . بس في البدايه قال لى ارسلي لى اوراقك وانا راح اعرضها على الدكتور البقنه وهو ممتاز ومتعاون وراح يساعدك فانا كنت احسب هذا الكلام مساعده من الشخص اللى رد على وبصراحه ما تحمست للموضوع
وقلت مو معقول اكيد الموضوع يحتاج واسطه
بس يوم السبت كلمت علشان افتح لى ملف في العيادات الخاصه وردت على وحده وقالت لى نفس الكلام وسالتها اذا كان هذا شي رسمي قالت ايه
واختك في الله :23: حضرتي ما اصدق بسهوله
يوم الاحد رجعت وكلمت قسم اهليه العلاج ورد على واحد واكد الكلام وقال لى جيبي تقاريرك وتقارير زوجك وراح نعرضها على اللجنه ونرد عليك وقلت له ممكن يكون فيه رفض قال ممكن بس مو دايم

عارفه طولتها وهي قصيره بس حبيت اشرح لك بالتفصيل
المشكله الحين زوجي غير مقتنع ويقول اروح ادفع ولا انتظر موافقه احد
مشكلته ما يحب الوسايط والحاجه لاحد ابد الله لا يحوجنا لاحد
والمشكله الثانيه انه اذا عالجت ببلاش هم اللى راح يحددون الطبيب والوقت ومشكله المواعيد دايم بعيده وهذا اللى مكره زوجي زياده في الموضوع
علشان كذا ودي احد يكون مجرب الطريقه ويعلمني

وياليت ما تتاخرون على الله يعطيكم العافيه
الله يرزقنا جميعا بالذريه الصالحه

أختي كلامهم صحيح ميه الميه وأنا صارلي نفس خوفك ومعارضة زوجك لكن اللحين مافي أحد مبسوط زيه خذي ملفك
وتوكلي على الله ورحي أنا رحت لهم وسوا اللجنة وقرورا علاجي وسوينا التحاليل في شهر وبعد كذا حددوا لي تلقيح
صناعي وأعطوني الموعد في الشهر اللي بعده ولكن أنا اللي رفضت علشان كنت أبغى أسافر في الصيف وبعد ماجيت
كلمتهم وسويت التلقيح في شهر 8 ولكن ما لله أراد وأعطوني موعد في شهر 9 وتقرر أن أعمل طفل أنابيب بعد العيد
ولكن رفض الكمبيوتر تسجيله بعد العيد وذلك من كثر أمة محمد وسوف أكلمهم بداية شهر ذي القعدة فأنا لم أواجه أي
مصاعب معهم يكفي أن غرضهم ماهو مادي زي المستوصفات الخاصة بس اللي أدفعه حق العلاج ولحد الآن ما كلفنا
أكثر من500 ريال والله يوفقنا ويرزقنا
وأي سؤال أنا حاضرة