مين عانت من احتباس السوائل أثناء الحمل و بعد الولادة ؟!

السلام عليكم ورحمة الله و بركاته .
بنات الله يسعدكم ويفتحها في وجهكم أعطوني تجاربكم لأني كثير متصايقة خصوصاً من بعض الحريم إللي ما يوزنوا كلامهم ،
تزوجت و وزني 62 و طولي 165 ، يعني كان جسمي جداً جميل ما شاء الله ، لي حالياً سنتين زواج خلالها حملت ببنتي و جاني ضغط و ارتفع وزني لوقت الولادة وصار 102 ، تتخيلوا دا الشيء ، رغم إني والله أكلي جداً طبيعي ، المهم قالوا احتباس سوائل و حيروح بعد الولادة ، بعد ما ولدت بسرعه نزل وزني لـ 90 ، و مع الرضاعه وصل 85 ، وربي يا بنات إني صبرت حوالي 5 شهور ولا نزل ولا شيء لين بكيت ، لأنه حتى وجهي باين منتفخ و عيوني صارت مسحبه من الإنتفاخ ، قرأت عن الموضوع و بحثت لين تأكدت انه سوائل مخزنه في الجسم ويبغى لها علاج و خاصه إني في الرياض جو بارد و جاف و مافي عرق أبداً ، وفعلاً رحت دكتورة و ضغطت يدي وقالت صح عندي احتباس لأنه جسمي واضح منتفخ بدون ترهلات ولا شحوم أتمنى فهمتوني ، المهم طلعت حامل وقالت ما نقدر نعالجك إلا بعد الولادة ، و أنا كثير خايفه إني ما أرجع زي أول ، والله يا بنات عمري 23 و كل ما رحت مكان يقولوا معاكِ دي البنت بس ، أقلهم توني ما كملت سنتين زواج عمري 22 قالوا بالله عليك 😱 ، شكلك كأنك خلاص نهاية العشرين ، والله يا بنات انها مو مره ولا مرتين صرت كثير ما أثق بنفسي و نفسيتي جداً تأثرت ، رغم إني لما كنت بنت كانوا يحسبوني أصغر من أختي إللي أنا أكبر منها بـ 3 سنوات ، كثير وربي نفسيتي مدمره ، دولابي ملايان ملابس وفساتين ما عدت أقدر ألبسها ، في الأصل مالبستها بقراطيسها والله ، لأني حملت على طول ما شاء الله ، كثييير كثيييير نفسيتي مدمره ، الله يسعدكم مين مرت بنفس التجربه و قدرت تتعالج وترجع زي ما كانت 😢😢😭😭😭💔