ما تعرفوا المثل اللي يقول طنش تعش تنتعش

انا عانيت من الاقارب

من اختي وبنت عمي ومن ام زوجي

لكن ماعلي منهم الحمد لله حياتي ماشيه

واختي الحين حامل

ومره مسكت ولد اختي وكنت ااكله شي وجاته شرقه

واخذته مني قالت بغيتي تقتلينه

وماعاد مسكته ولا اكلته بعدها

كل وحده جرحتني بكلمه او أسأت لي ادعي عليها ان ربي يحرق قلبها زي ماحرقت قلبي


الحمد لله راضيه بقضاء الله وقدره

واثقه ان ربي اللي اعطاهم بيعطينا

وحنا صابرين لنا الاجر ان شاء الله

الله يرزقني ويرزقك كل محرومه ياااارب

أعوذ بالله لهالدرجة ناس مافي قلوبهم رحمة

مايدرون اللي مانعكم هو اللي معطيهم مايخافون عقوبة ربي

نااااس مريضة

أنا عانيت من كلام الناس ليش ماتحملين ولدك رجال (عمره 3سنوات)

وأنا من زمان تاركة الحبوب وأنتظر الحمل

ولاأحب أبين لهم هالشئ ماأحب أحسس أحد بضعفي أوحاجتي

إذا قالوا لي شئ أقولهم عندي ولد مالي علي دنيتي وش مستعجلة عليه

وأنا من داخلي الله يعلم بحالي

حتى لماأمي تسمعهم أحيانا تقول الله يرزقها والله أعصب وأزعل وأقول لأمي لاتبينين لأحد إني أدور الحمل فعلا الناس ماترحم

لكن سالفة تسحيب الأولاد مامريت فيهاالحمدلله يمكن عشان عندي ولد

ماأقول إلا الله يكون بعونكم وينتقم لكم من كل ظااااااااااالم

اسال الله يرزقنا أجمعين ولا يحرمنا مافي أحد مايعاني الله يسامحهم

والله كلنا نعاني من نظرات الناس
انا بنت خالتي قبل لاتتزوج واتزوج كنا زي الخوات
وبعدين انا تزوجت قبلها بفترة وحملت هي قبلي الله رزقها وبعدين عرفت ان الكل يدري الا انا ووحدة ثانية من بنات خالتي كنا انا وهي واللي حامل مع بععض وماقلت لها عشان لاتقوول لي
ومرة شفتها في بيت جدتي قامت تسحب العباية على بطنها عشان تخبيه ماادري ووش قصدها خايفة مني

الله رزقها والله يرزقنا ان شاالله

الناس نسيت اننا بشر ونحس ونكون حساااااااااسين اكثر منهم
الحمدلله يارب