:33:اهلين خيتو انا عندي النشافة ونوعها امريكي اسمه وستنق هاوس ومره حلو مريحني من الكوي ماعدا اشياء بصيطة من الملابس واحسن شي ايام الشتاء يريحني من الانتظار مده طويله لان الملابس ايام الشتاء ماتنشف بسرعه مثل منتي عارفة وحاطتة في الصاله عندي ومايحتاج تودين له ماسورة وماياخذ وقت في التنشيف اذا الملابس مش كثيره

مايحتاج تسليك بس انا ابعدها عن الجدار في كل مرة

انا عندي نشافة امريكي بس مني فاكرة اسمها اشتريتها من اكسترا كان عليها عرض لانها بدون كرتون 1300 ريال لقطة بس سعرها الاصلي 2500 او 3000 ريال مني فاكرة بس بصراحة انا مرة مرتاحة ما شاء الله اول كنت احوس في النشر و ما عندي مكان و البيت يصير محيوس واستنى اللي ينشف بعد يومين؟؟؟؟ عشان اغسل الرد الثاني بس دحين اغسل و انشف على طول و بالنسبة للكوي لما ما يكون عندي شغالة اخرج الملابس من الغسالة وهي حارة اطبقها على طول خاصة ملابس ولدي البيبي الله يحفظه و كمان الجنزات بس اثواب زوجي يبغالها كوي بس اذا جلست الملابس وبردت ما طبقتيها على طول بيحتاجلها كوي....نصيحة تشتري النشافة لحالها افضل معليش طولت عليكي بس حبيت اقلك تجربتي وانا مجربة النشافة من ايام ماكن في امريكا ما كنت استخدم المكواة الا نادرا....وبالتوفيق

النشافه شيء ضروري في البيت
وافضل نوع الامريكي او الالماني
والافضل توضع لها طارد للهواء الحار علشان ما تخلي الشقه حاره

مره انصحك بيها تريحك كتير بس مو كل شي مايحتاجلو كوي
الجنزات بعض القطنيات ملابس الرياضه مايحتجلها كوي بس انها تريحك مرررررررررررره