مين عندها طريقة للكـبة اللبنيـــة تتفوق على المطاعم؟اللبنانيات ساعدوني

يا هلا


الكبة بلبن

لحمة عجل هبرة

كيلو و نصف لبن

شوية ارز عادي

برغل اسمر ناعم و المقدار كل اوقية لحمة (200 غرام)يلزمها كباية برغل يعني نفس الوزن

كمونة و رح اعطيك المقادير


نصف ضمة بقدونس
ثلث ضمة نعناع
بصلة كبيرة مقطعة
كباية برغل ناعم
ربع كباية كمون مطحون
حر احمر بودرة(حسب الرغبة و ممكن بدونه)
ملح

في خلاط ماكينة اللحم نضع المقادير و نطحنها و بما ان استعمالاتها مش يومية ممكن تنشريها على صينية كم يوم حتى تتيبس و تقسميها وجبات و بالفريزر


الطريقة

من شان كباية البرغل تطلع تمام لازم تلتها كمونة و الباقي برغل سادة

بوعاء واسع نضع كباية الكمونة و البرغل مع شوي ماء و نتركه حتى يتش و بعدين نفركه او ندعكه باليدين سوا و بعدين نضيف اللحمة و الملح و ندعك جيدا و نضيف شوي ماء و ندعك حتى يصيروا متجانسين و المهم متماسكين يعني ما يفكو عن بعض و لو لقيت بدهن ماء زيدي شوي الى ان تحصلي على عجينة الكبة


للحشو

لحم عجل هبرة مفروم ناعم
بصلة مفرومة ناعمة
ملح
بهار
زيت نباتي
صنوبر مقلى و محمر

الطريقة

بالزيت نقلي البصلة و نتركها تنضج على نار هادية و بعدين نضيف اللحم و الملح و البهار و الصنوبر


حشو الكبة

طبعا نقطع العجينة قطع صغيرة بحجم حبة الجوز و نقورهم و نعملهم شكل بيضاوي و نحشيهم و نقفلهم و نكون حاطين نشا مع ماء ندهن كل كبة بعد ما نقفلها على الحشوة
لما يخلصو نحطهم بصينية تيفال من دون شي بالفرن و نشمعهم من شان ما يفلشو بالطبخ

نجي للبن

نخفقه بمضرب السلك مع الملح و شوي ماء و نشا مذوب

نحطه على النار مع الحرك المتواصل باتجاه واحد و نحط معه الرز و لما يغلو شوي نسقط الكبب فيهم و نتركهم على النار شي ثلث ساعة مع حركهم بحرفة من شان ما ينتزعو الكبب

تصب الكبة بلبن في جاطات واسعة و يرش النعناع اليابس على الوجه و تقدم
تؤكل مع البصل الاخضر

ملاحظة هذه نفس عجينة الكبة بالصينية و نفس حشوتها يعني اثنين بواحد

و صحتين

أختي orkidia

مممممممم تسلم إيدك

والله يعطيكي العافية حبيبتي أتعبتك معاي

بس هل هذي طريقتك يعني قد سويتيها قبل كده وظبطت

لأني سويت مرة طريقة ونفشت حبة الكبة ما ادري ليه

هاي طريقتي و طريقة اهلي كلهم و الحمد لله دايما ناجحة

هلا اختي
بالاضافة لطريقة الاخت orkidia
بروابط موضيعي توجد الطريقة االسورية وهي طبعا متل كل الطرق الشامية والف صحة