أخواتي العزيزات
في البداية أسال الله عز وجل من تفيدني الجنة
رزق أخي بطفلة جميلة ولاكن بعد فترة اكتشفنا انها تعاني من ضمور في الدماغ الفص الأمامي وهو متوسط مصاحب بتشنجات الطفلة جدا رخوة ولا تتحرك أبدا عمرها الأن سنة بالتمام
الله يسعدكم فين نوديها للعلاج الوظيفي والتاهيلي والمتابعة مانعرف شي ابدا أول طفلة تمر في العائلة
احنا في جدة ايش اول خطوة نسويها ووين نوديها
عملنالها الاشعة المقطعيه والرنين في فقية واعطونا تقرير ودكتور المخ كتبلها علاج للتشنجات بس دا
الله يسعدكم الي عندها حالة زي كدا تفهمني الوضع اعرف اهمية التدخل المبكر أبغاكم تدلوني على مراكز حكومية أو أهلية أسعارها كويسة أبغى أغرف حقوقها علشان نفيدها وتاخد احسن علاج
ماشفتو كيف اخوي وزوجتة نفسيتهم جدا تعبانة الحمدلله
درر مصون @drr_mson
عضوة جديدة
يلزم عليك تسجيل الدخول أولًا لكتابة تعليق.
الله يعينكم ويصبركم ولازم تدخل مبكر علاج طبيعي ضروري مراكز حكومية ماراح تستفيد ابد شوفي جمعية المعاقين لازم تحتفظ بالتقارير الطبية وتختموها من جهه حكومية علشان بعض المراكز تطلب تقرير من جهه حكومية خلي اخوك يقدم لها في الشؤون الاجتماعية تاخذ مكافئه تساعدهم والله يشفيها ويعافيها
الله يشفيها ويعافيهم لكم ****لله يارب ،، بس اختي غريبه ضمور وما بين الا لما صارت سنه؟؟؟؟؟ اللي اعرف انه الضمور يبين من لما البيبي يكون في بطن امه... ايش طلعت نتيجة الاشعة المقطعية؟؟
الله يكون بعونكم عسوله
شوفوا جمعية الاطفال المعاقين عندكم بجده اهتمامهم بالطفل جدا رائع ومن كل النواحي
شوفوا جمعية الاطفال المعاقين عندكم بجده اهتمامهم بالطفل جدا رائع ومن كل النواحي
الصفحة الأخيرة
ودوها مركز جش بجده في قسم لتدخل المبكر
والله يفرج همي وهمكم