سعرها2800

روعععه انا عندي والحمد لله تريح كثير وجايك رمضان لاتترددي أبدا الله يرزقك عاجلا غير اجل

ممتازه واتريح كثير ربي ايسهلك وتشترين غسالة مواعين

حبيبتي أشتريها وانتي مغمضه
بتريحك كثير وخاصة رمضان جاي
ماتنفع للقدور لانه لازم لك فرك والغساله تغسل بالرش مو تفرك وتدعك
ولا تصلح للصواني الكبيره
ولا تصلح لثلاجات الشاي والقهوة اللي يسموها بعض الناس دله
لانه الماء بيدخل بين الدله والزجاج اللي داخلها وتضطري تفتحي الزجاج عشان تخرجي الماء
وانتبهي قبل ماتشغلي الغساله حركي المروحه اللي فوق واللي تحت بيدك وخليها تدور عشان تتاكدي نه مافي شي من الاواني يعيق حركتها
لانه اذا المروحه ماتدور يعني ماراح تغسل الاواني پالشكل المضبوط
ولا تحطي اواني مقابل علبة الصابون لانها تعيق فتح العلبه فبالتالي لا يخرج الصابون كما ينبغي
وانبتهي اذا شفتي اثار الصابون على الاواني معناها الغساله لم تعمل كما ينبغي تسبب خطأ في ترتيب الاواني
واذا شفتي الصابون باقي في علبة الصابون بعد انتهاء الغساله معناها انه الغسيل لم يتم كما ينبغي بسبب وجود شيء من الاواني تعيق فتح علبة الصابون
لازم تقرأي الكاتالوج قبل التشغيل
ولازم ترتبي الصحون بالطريقه الصحيحه
واحتياط قبل ماتستعملي اي شيء من الاواني اغسليها بالماء
اسعارها من 1000 وشوي الى 3000
على حسب الشركه والموديل

وللماركات اشتري الشركه المعروفه
تراهم كله نفس الشيء بس اختلافات بسيطه في الخيارات
وكل شركه لها موديلات
يعني مااقدر اقول على ماركه معينه
ولازم 3 اشياء تشتريها قبل ماتشغلي الغساله
الملح
ملح خاص لغسالات الصحون
انتبهي مو ملح الاكل لا
وهو لتيسير الماء وللحفاظ على الغساله من التكلسات
ولو تشتريه من محلات تحليةالمياه بيكون اوفر
والصابون
لازم صابون مخصص لغسالات الصحون
ماينفع ا ي صابون انتبهي
ملمع لغساله الصحون
هذا عشان يلمع الصحون ويسهل ازالة الصابون من الاواني
انتوا تشوفوا انه الادوات هذه كثيرة وغاليه
بس هي سعرها معقول لانه ماتستهلك في الغسله الواحده الا شيء بسيط
يعي كيلو صابون يقعد تقريبا شهرين ،ثلاث شهور اذا كان غسيل يومي
والملمع يمكن القاروررة تقعد سنه
بس لازم تضبطي معيار الملمع في الغساله الى اقل درجه
الا اذا الماء عندكم عسير ومالح فممكن تزيدي المعيار شويه
والملح اذا اخذتي كيس كبير 20 كيلو بيقعد عندك سنوات
الملح والملمع حطيه في الغساله وعبيه الى اخر درجه واقفلي الغطاء باحكام
مايحتاج تحطي في كل غسله الا الصابون فقط واذ تبغي تحطي كلوركس مافي مشكله
يعني اذا الغساله مليانه اواني حطي 15_20 غرام صابون مع ملعقتين كبيره كلوركس واغلقي علبة الصابون
ترى الغساله يبغالها تدريب وخبرة ودقه تشوفيها صعبه في البدايه بس بعدين بتصير سهله
والتسليك ايوا لازم تسليك للماء البارد واللتصريف
الماء الحار مايحتاج لانه الغساله تسخن لحالها
ولازم خرطوم التصريف يكون مرفوع عن الارض بنفس مستوى الغساله او اقل بقليل
ماينفع تخليه في الارض
واي سؤال انا جاهزة