أختي في الله جزاك الله ألف خير والحمد لله أنك دعيتي في ظهر الغيب في من الدعوات المستجابه
المهم عزيزتي أنا ركبت اللولب عند الدكتوره منى حتاته في مستشفى جده الوطني بحي الكندره
الدكتوره جداً ممتازه وتعاملها ممتاز أيضاً أنا وأخواتي الثلاثه وأمي كلنا نولد عندها وأنا وأختي ركبنا اللولب عندها بس عاد الله يعينك على الزحمه والأنتظار الطويل أذا تبغي نصيحتي روحي الصبح بدري أو مايأذن العصر الا وأنتي واقفه على الأستقبال عشان يطلعلك رقم بدري وألا ماراح تدخلي ألا بعد طلوع الروح وبالتوفيق أنشاء الله

بسم الله الرحمن الرحيم
توكلي على الله وركبيه
اول 3 شهور راح تكون الدورة ثقيلة ومصحوبة بالم (لانه جسم غريب داخل الرحم والجسم بيتكيف معه)
واكيد الدكتورة بتعطيكي مسكنات

وبعدها باذن الله بتكوني براحة بال لاحبة ولاموعد ولانسيتيها او مانسيتيها ....

ومتل ماقالو الاخوات ...اختاري دكتورة مجربة وتكون ممتازة واذا كنتي بجدة فانا مستعدة ادلك على دكتورة ممتازة

جربت اللولب وجربت الحبوب اللولب راحة بال وباذن الله الطريقة الافضل لمنع الحمل ومارفعته الا لاني نويت احمل بس اضطريت اساوي عملية واخدت حبوب :( وقلت وين ايامك يالولب )

معليش ردي متاخر شوي بس لاني عضوه جديده فشفت الموضوع صدفه فقلت بقول تجربتي عشان افيدكم انا ركبت اللولب سنتين واربع اشهر وما اثر فيني والحمد لله ابدا ولا سبب لي اي التهابات وهذا يعتمد على النظافه الشخصيه لان اهمال النظافه الشخصيه يسبب تجمع الجراثيم حوالين اللولب وبالتالي يسبب التهابات ونسبة الحل عليه ضعيفه جداااااا ..

تحياتي ..

خواتي انا سمعت عن لولب جديد يشبه القديم في التصميم لكن يفرز كميات قليله من الهرمونات المانعه للحمل يوميا(يعني مثل مفعول الحبوب) وماله سلبيات اللولب العادي بالعكس يقلل مدة الدورة.ابي اعرف اذا فيه وحده منكم جربته ياريت تقولنا عنه.

ورده البنفسج انا اقولك كل حاجه اسمعي حبيبتي من ناحيه العمركنت قلقانه اكثرمنك من الناحيه هذي لاني كان عمري 18سنه ركبته قبل فتره بسيطه يعني قبل تقريباسنهواول مره اركبه طبعا على مولودي الاول وطبعا طمنتني الدكتوره من ناحيه السن قالت عادي مايأثر وطبعا اللولب انواع واللي ركبته انا مرررررررره مطفشني لان وقت الدوره صار بزياده طويل ومغزرتها بعدرحت للدكتوره قالتلي لوبتضلين كذا مده الدوره كثيره بيسببلي فقردم وصرفتلي حبوب الحديد وحبوب تخفف الدوره وعن تركيبه صراحه اللولب نفسه مايوجع لكن اللي يموت هذا اللي تفتح فيه الرحم هووووه اللي يووجع من جد ومع كثره الشغل يوجعك بطنك وظهرك لكن المشكله موهنا المشكله ان الدوره الى الحين ماجتني وانابمووووووت من الخوف لااكون حامل وولدي توه صغيروحسيت بعوارض الحمل اللي هي غثيان مدري انااتوهم والا صدق الله يسترلان اول مره تتأخرعلي الدوره بالكثرهذالكن اليوم بروح عندالدكتوره واشووووووف الله يسترادعووولي اني مااكون حاامل