مين عنده فكره عن ماركة القدور ZEPTER السويسرية وهل تستحق ثمنها المرتفع !!

السلام عليكم

اهلين بنات كيفكم؟؟ :27:

الصراحة انا اول مرة اشارك بده القسم واتمنى ماتردوني

اللي حاصل انه زارتني مندوبة لشركة zepter السويسرية وشرحت لي عن منتجاتهم وفوائد الستيل ومضرة غيره الخ الخ

بس انا عجبتني القدور فعلا ساعة ماجات طبختلي فيها اولا طبختلي صدر دجاج بدون زيت ولا موية ولا ملح مع العلم انه الخضار والدجاج وكل شئ طلبت مني تجهيزه قبل لاتيجي يعني هي ماجابت شئ معاها غير القدور

ماتصدقوا يابنات كيف طلع الدجاج لونه وطعمه وشكله رااااااائع والأحلى بدون دسم :23:

وبعدين بقدر ثاني حطت جزر وكوسا وبيضه وبصلة وتفاحة وبطاطس

ماتصدقوا يابنات كيف طلعت اولا التفاح مااخد طعم من البصل ولا من اي شئ من الخضرة اللي حواليه

ثانيا الخضار كانت تسويتها حلوة ومستوية

وأغرب شئ انه البيضه انسلقت بدون مويه !!

القدور زي مااتكلمت الأخت ام فيصل بده الموضوع http://forum.hawaaworld.com/showthread.php?threadid=79737

نسبتها 18 على عشره
يعني 18 كروم وعشرة ستنل ستيل

القدور قوية وثقيلة ومتينه

بالأول فرجتنا على القدور وطلبت مننا نحدد عمرها الأستهلاكي ( مدة استعمالها ) اللي قال سنه واللي قال سنتين

بس المفجأة انها قالت انه القدور لها عشرين سنه مستعمله وانها جاية كعينات من سويسرا
وقالتلنا انه عليها ضمان طوال العمر

انا عجبتني القدور جدا خصوصا من الناحية الصحية وكانت بتقول انه مريم نور مدحتها

بس كنت حابة اسأل اذا احد عنده فكره او ممكن يفيدني.... وهل هي فعلا تستحق ثمنها المرتفع !!

لمن يحب ان يطلع على منتجاتهم هذا موقعهم

www.zepter.com

ســـول: rolleyes: