مين عيالها بكوها ؟؟؟؟

والله يا اختي كلمات كثيره تصدر من ابنائنا وماكنا نتوقع بيوم من الايام يقولونها
لكن بما انهم بفترة المراهقة وهي مرحلة انتقالية فلازم نتحملهم ونتغاضى عن بعض الامور
فيا اختي انتي توك بالالف والله يعينك على المرحلة القادمة
اسأل الله لهم الهداية والصلاح

انا عيالي بكوني من التعب الي اتعبه سواء جسدي ولا نفسي<<<بعد ولادتي الاخيره صرت حسااااسه

لكن بالنسبه للموقف الي ذكرتي كان لازم تفهميه انه غلطان المفروض ما يرفع صوته عليج ولا تقولين توه صغير لاااااااااا6 سنين يفهم الغلط والعيب
كان المفروض انتي تقوليله اشوفك مره ثانيه تعاندني مو هو
اذا استمر علا هالحال بيضيع منج صدقيني
اجلسي معاه وفهميه الصح والغلط
وفهمي ابوه مايرفع صوته عليج قدامهم حتى لو مزح تراهم يقلدون
سويله جدول وكافئيه اذا احترمج وعاقبيه اذا غلط عليج
انا اموت من القهر اذا كنت في مكان عام واشوف ياهل يمد يده علا امه ويصارخ عليها حتى لو كان في حاله عصبيه اذا تعود من البدايه وعرف حدوده ما راح يتجرء
الظاهر انج مقتنعه ان الي يصير لج نتيجه معاملتج لامج يعني التاريخ يعيد نفسه
لا حبوبه انتي غلطانه!!!ولدج علا ما تربيه
وامج ما اعتقد انها غضبانه عليج ولا داعيه عليج عشان تفكرين التفكير هذا
كلنا تعبنا اهلنا ونحن صغار واولهم انا
حتى ساعات اقول لامي امزح (الحين عرفت ليه زوجتيني بدري ) تبين تفتكين من مشاكلي!!!
وساعات اقلها والله مدري كيف استحملتيني لو انا الحين ام نفسي زمان<<<كني دوختج
كان ذبحت نفسي وافتكيت<<<ان شاء الله فهمتي قصدي
الله يجعلهم لج عيال بارين باهلهم يارب

امي الله يخليها ياما بكوها اخواني بس اكثر شى وجعها على حسب كلام امي ان اخوي يبكيها والسبب زوجته

الله المستعان

يا طيوبة اسمج حلو صدقج حبيبتي بس ما نتغاضى وايد
يا العيناوية كلامج كله صحيح وأنا أعرف هالشي وولدي يا عمري مؤدب ويموت فيني ويسمع كلامي أكثر من أخته اللي أصغر منه عنادية وأنا والله قد ما أقدر أربيهم التربية الزينه لكن هالتصرف طالع منه يديد انصدمت منه وعرفت على طول انه يقلد ابوه وحبيبتي ريلي ما أقدر عليه لو نصحته هووو شو بيسوي بيعطيني طراق هو عنده نظرية أنا مو من حقي أعطيه أوامر أو نصايح وهو ما يهمه اليهال شافوا ولا لأ حتى أنا ساعات اذا صارت مشكلة أدخل الغرفة يدخل وراي عشان اليهال ما ينتبهون لكن ينتبهون ويقعدون يصارخون على الباب خايفين علي والله فديتهم قلبهم علي

asd609
حبيبتي أنا أتكلم عن مشاكل اليهال يوم صغار أو مراهقين مب الكبار الكبير مصيبة وذنب كبير اذا مو بس بكى أمه اذا قال لها أف وهذا من الكبائر وان شاء الله عيالنا يكونون صالحين غير عاقين ويعينا على تربيتهم يارب