الله يحفظ لكم الولد ويبارك لكم فيه

شوفي ياقلبي هذا ردي بموضوع نزلناه انا واختي كان سابع بنتي بس القهر ان الصور راحت لأن الموضوع قبل سنتين


مبدئيا لزمت عالخلق بعد صلاة المغرب الكل يكون موجود ولا بتروح عليهم الزفه وكنا مسوين فديو لها صورها فيه اناشيد منوعه واحلى شي بالفديو كان نهايته انشوده جدي وجدتي لحامد الضبعان وقت عرض صور فطوم مع ابوي الله يحفظهم
مبدئياً ابتدينا بالقهوة والحلا لين الكل وصل فيه ناس اتاخرت لبعد العشا لانهم كانوا بالحرم عذرناهم وانتظرنا وصولهم الميمون وبعد صلاة العشا صارت الزفه وبعد الزفه طبعا سحبنا مع البنات الغير متزوجات على جوائز وهالشي كان فكرة زوجي وبعد التوزيعات بشوي جا العشا طبعا لان بعضهم اتاخر ماامدانا نوزع الجاتوهات الا بعد العشا قلنا العشا اهم خفنا انهم يشبعون ومايتعشون المهم بعد العشا سوينا توزيع الجاتوهات زي مو مبين بالصوره عربية ثلاث ادوار كيكة فطوم بالوسط وتحت كيكات بالحبة والدور اللي فوق المناديل والصحون والملاعق مدري الشوك طبعاً انا بما اني مامتها قمت بمهمة توزيع الجاتوه واخواتي والبنات يوزعو العصير طبعاً ادور بالعربية وكل وحدة تاخذ صحنها وتختار كيكتها بنفسها وكيكة فطوم محد قربها ههههه كانت من نصيبنا احنا اليوم الثاني
توزيعات الاطفال بنص السابع وزعناها عليهم عشان يتحمسون ويلعبون والاولاد نسينا ماصورنا توزيعاتهم لانهم اصلا كانو كم ولد وكانت توزيعاتهم ساعه وبروش سبونج بوب حبيبهم وتوزيعات الحريم وزعناها بالاكياس من قبل يجون وكل ماجات وحدة ناخذ عبايتها ونحطها بكيسها ونكتب اسمها كانت هذي احلى حركة يوم تطلب عبايتها نعطيها اياها بكيس هديتها الهديه كانت سجاده وبخور وورد مجفف منثور بالكيس

مشكورااات اخواتي
جزاكن ربي الجنه بغير حساب جميعا ماقصرتوا
بس سؤال اختي ام ام فيه انشوده نحطها لزفة الام والبيبي ؟؟؟ خاصه بهالمناسبه يعني والا اي انشوده للاطفال وخلاص؟؟

شوفي حبيبتي احنا شغلنا فديو بجميع صورها وطول عرض الفديو كانت شغالة الأناشيد
انشودة أحلى مولود جانا
أنشودة مصرية اسمها سلام للنونو
وانشودة جدي وجدتي
فيه اناشيد ثانية بس ناسيتها والله
انت ابحثي بقوقل وتطلع لك اناشيد زفات للمولود

الي معروف العقيقه
لا يوم سابع ولا عاشر!!