طبشوره بيضا :

السلام عليكم خواتي .. ام مشاري وام عبدالرحمن صاحبات هالموضوع الرائع .. ام عبدالرحمن حابه تدليني على طريقه تخلص فيها بنتي من الصياااح هي عمرها 4 سنوات وللحين تعبر عن رغبتها للحصول على شي بالصياح وتعبر بعدم رضاها عن شي بنفس الطريقه احيانا تبدا بالبكاء قبل لا تطلب اللي تبيه ..:icon33: اسلوبي في التعامل معاها ما اتغير وانا اميل للشده اكثر من الدلع .. وهي ما شاءالله ذكيه وانا دايما افهمها انها بطريقة الصياح انا راح اطنشها ...اما اذا جت وطلبت اللي تبيه او عبرت عن شي بدون صياح استقبلها باسلوب حلو وتفاهم .. بس هالطريقه ابدا ما اثرت على طبعها ...:09: والشي الثاني انها احيانا تطول لسانها علي وتعبر عن غصبها وهالشي ينرفزني كثيييير ..بدون الفاظ بذيئه لاني عمري ما قلت جدامها ولا ابوها ونحاول ما تسمع هالكلام من بره واذا سمعت اقولها ان غلط وهي تفهم .. كنت اضربها بقسوه احيانا لما تبدا سيمفونيه الصياح اللي ممكن تستمر لساعااااااااات بدون مبالغه .. وما تسكت الا بالتهديد من الضرب او بالضرب نفسه ..من فتره ألغيت شي اسمه ضرب قاسي لمعرفتي بتحريم الضرب لمن دون 10 ...لحديث الرسول عليه افضل الصلاة والسلام ..ويكون للصلاة . طبعا الضرب السابق والقسوه سوى بينا حاجز لان طول اليوم مشاكل وصياح .. وقت ما تكون رايقه اتفاهم معاها عالصح والغلط واني احبها لما تسمع كلامي وما تعاند .. واكره صياحها ..تتجاوب بشكل كبييير نفس اللحظه بس بعد فتره تنسى .. اتبعت اسلوب الثواب ..سويت لها لوحه ورسمنا الاشكال التعبريه مع بعض وشاركتني في كل شي .. حطيت خانات مثل النوم المبكر ..طبعا هي تنام 12 وانا ابغي اغير بس صعب جدا ..من ايام بدت تتجاوب معاي وصارت تنام 10 تقريبا .. الخانه الثانيه عدم الصياح ليوم كامل تحصل على نجوم ..وعندها نجمه واحده ههههههه خانة ترتيب ملابسها وعدم رميها في البيت زينه .. خانة جمع العابها بعد اللعب سيئه جدا وصعب تجمع العابها ودايم تقولي انا تعبانه خخخخخخ احترام اوقات راحة الوالدين جيده جدا .. وخانات اخرى .وطبعا بعد ما تجمع نجوم تحصل على هديه . احس طولت في سرد المشكله ..اذا عندج حل يام عبدالرحمن ساعديني لاني تعبت :( ..وممكن البنات بعد ينصحوني .. ولج كل الشكر والتقدير:26:

السلام عليكم خواتي .. ام مشاري وام عبدالرحمن صاحبات هالموضوع الرائع .. ام عبدالرحمن حابه تدليني...