موضوع جميل وبداية جميلة من أختنا أم عبدالرحمن بارك الله لها في أولادها

لي عودة

يعطيكم العافية

ورقه ذابلة

أنا رديت عليك من فترة.. ما أدري وين راح!

اعذريني على تأخيري والله ما كان قصدي ..

المهم

الحمدلله إن بناتك ينعمون بالدلال وأنتِ بعيدة عنهم

وهذا هو الواجب و المفروض

لأنه يفقدون أمهم بالنسبة لهم هذي كارثة.. ولن يتقبلوا من أحد التربية أبدا ماداموا يؤملون برجعتك لهم - أسأل الله أن يلم شملك بهم عاجلا _
لذا غاليتي
بالبداية لا تهتمي للتربية كثيرا .. لأنك لازم تعوضيهم عن الحنان الي فقدوه كل هالمدة..

ولابد تكثرين من ضمهم وحظنهم وتقبيلهم ..

ولو حصل تجلسي أشهر طوال ما تفارقيهم إلا لشي ضروري جدا مثل مدرسة ..

اذا حسيتِ إنهم ردوا لحالتهم الطبيعية (وهذا شي ما نقدر نجزم فيه إلى أن تلقيهم بإذن الله)

ابدأي بالتدريج بتربيتهم .. وحذاري من الشدة معهم انتبهي هم شعروا بالحرمان منك فترة طويلة

واعتادوا على تربية الحريم الكبار وهي التدليل .. لذا تعالي لهم بالتدريج ..

فإذا ما شعرتي أنهم صاروا طبيعين جدا .. ابدأي بالتربية المثالية

وأسأل الله أن يقر عينك ببرهم وصلاحهم

مدح بدائي :

اشكر السيده

" أم مشاري " ...... تحيه عطره وموضوع جميل يليق بطرح عالي لمقام غالي

كلمات في شأن الموضوع :

الاطفال هم زينة الحياة الدنيا
هم انوار الدنيا وهم شموع العتمه

لقاء الاطفال كما هو لقاء الاحباب

نصيحه :
الاطفال يريدون منكم الإهتمام وزرع الثقه عند القوّه والحنان عليهم عند الضعف

يريدون منكم أن تطلبوا منهم الرأي " حتى وإن لم يُأخذ " حسسوهم انهم مهمين

يريدون البسمه في الصباح وان لم تكن لسبب

يريدون قبله عند النوم لينعموا بحلم انتي تكونين لهم فيه الارض والحياة عليها


نهايه :

اشكر السيده وهذا ما كان منيّ ( وانا ) صاحب تجارب كثيره في التربيه ولو أنني ( عزوبي ) ولكن أتمتع بقدرة الالتآم والتواصل مع الاطفال في بيتنا .............


تحياتي

ماشاء الله تبارك الله اللهم بارك لأختنا أم عبدالرحمن واحفظ لها ذريتها واحفظها لهم يارب العالمين

جزاكي الله خير الجزاء اختي ام عبدالرحمن

اسمحي لي بنقل خبرتك الى من هم في حاجه اليها وفي ميزان حسناتك ان شاء الله

أختي أم عبدالرحمن جوزيت خيرا على الدرر التي أتحفتنا بها
ولكن مشكلتي مع أبنائي الأول (6سنوات) بنت(3 سنوات) والثالثة (سنة) أحس للأسف وبكل صراحة أني مو أمهم أعاملهم كأني زوجة أبوهم أكون مبسوطة اذا كنت مع أبوهم لحالنا أول ما يصحون أكشر وأتنرفز بالذات ولدي الأول أحبهم وألعب معاهم لين يوصلون 3 سنوات وبعدين تصير أخلاقي معاهم زفت بصراحة ما أدري ليش مع أنه الكل يحبهم ويمدح أخلاقهم ويقولون لي والله عرفتي تربين في البيت مجننيني واذا طلعنا عند أحد سواء أغراب أو قرايب قمة في الأدب والهدوء ملايكة
أما الضرب حدث ولا حرج أضربهم انتقام من ايش ما أدري؟ مع العلم ترى ولدي الله يحفظه حنون إلى أبعد حد حتى معاي مثلا يحب يساعدني ودايما يقولي ارتاحي ماما أنا أجيب وأنا أسوي واذا شافني نايمة
يجيب غطا يغطيني والآن بدا يخف حنانه وصار دايم يعصب ويعاند ويضرب خواته(معروف السبب)
أما بنتي كل شي عندها صياح ولا تسمع الكلام نهائي لو قلت نظفوا غرفتكم أخوها ينظف وهي تضحك وتقول تعبانه رجولي تعورني واذا أصريت تقعد تصيح والضغط كله على أخوها

وهذا غيض من فيض أبوهم أصبر مني عليهم ودايم يقولي خفي عليهم حرام عليك أبوهم يلعب معاهم ويكلمهم أما أنا جافة جدا جدا جدا وقاسية يعني لو واحد فيهم يتعور أقوله أحسن هذا عشانك ما تسمع الكلام وأبوهم العكس يقوم ويحضنهم ويحاول يعالجهم لو سمعنا واحد فيهم يصيح ويبغى يقوم أرده وأقوله أجلس ما في داعي هذا دلع ..............................

صدقيني أنا ما كنت كذا بس أحس نفسيتي تعبانه ودايما مكتئبة طبعا أحط العذر أني مريضة ولا عندي معارف يعني دايما وجهي بوجههم

دليني على الحل أرجوك