**أم عبد الرحمن** :

ماشاء الله تبارك الله اللهم بارك لأختنا أم عبدالرحمن واحفظ لها ذريتها والله يا أخواتي إني ما قدرت أنجز كل هذا الإنجاز إلا بعد ما توكلت على الله وادعي لهم دائما بين الآذان والإقامة إن الله يصلحهم ويهديهم ويجعلهم قرة عين وبعدين عدلت نومهم ارتاحوا هم وأنا ارتحت.. يعني الساعة 6 ونص إلى 7 الصباح صاحين .. والساعة 7 ونص 8 الليل نايمين .. وهذا الوقت كله ملكي لي أنا أتفرغ لنفسي وصدقوني راح تتعبون بالبداية لكن بترتاحون بعدين فيه شي مهم جدا وكثير منا يهمله الطفل يستوعب أشياء كثيرة وحنا نهمله مثلا الحفظ و الفهم .. الطفل ذهنه صافي وذاكرته تقريبا فاضية أو على الأقل ما ازدحمت بأشياء كثيرة مثلنا لذلك هي مثل الكاس الفاضي عبيه الي تبغين أنا والله أحس بغبن وقهر إذا سمعت أطفالي يرددون أناشيد تافهة أتحسف على عالفراغ الي امتلأ بشيء مو مفيد .. ولاحظي اطفالنا كيف عندهم القدرة لحفظ الأناشيد مجرد يسمعونها مرة مرتين خلاص تنحفظ أجل ليه ما نركز على القران ونخليه هو المسيطر الأكبر على الذاكرة وما يحتاج أشرح فوائد تحفيظ الطفل للقران .. والله سبحان الله شي عجيب طفلي عمره 4 سنوات وشهرين ماشاء الله لاقوة الا بالله كلامه فصيح ويضرب أمثال من القران بسهولة وبسرعة مثلا اذا شاف بالقناة الوثائقية حيوانات مفترسة تلاحق حيوانات أليفة عشان تاكلها يقولها تقائيا : سبحان الله كأنهم حمر مستنفرة فرت من قسورة.. كنت بالبداية أحسه صغير ومايستوعب اكتشفت أن الطفل عنده قدرات مذهلة وحنا مهملينها مثلا يسألني ماما من هم المطففين ووش معنى الآية.. قمت صرفته قلت أسأل المعلم ما توقعت انه راح يفهم جاني من بكرا قال ماما سألت معلمي وقال لي المطفف هو الي لو رحت تشتري منه كيلوين تفاح ويغشك ويعطيك كيلو أو كيلو ونص أنا تعجبت ماشاء الله لاقوة الا بالله كيف طفل كان وقتها عمره 3 سنوات يفهم بهالسهولة وصرت أتخذ هالأسلوب معه وحسيت إن عقليته نمت أعوده على الثقة بنفسه .. مثلا البارح كنت أبغى أشتري نعناع أخذته معي وخليته ينزل لوحده لمحل الخضار وقلت له يالله انت الرجال انزل وخذ ريالين واشتر لي نعناع ولا أوصيك انتبه للطيب والجديد والله اناظر الي يبيع يضحك ومتعجب منه وفعلا جاب لي نعناع طيب وجديد قالي ماما انا دخلت عليهم وقلت السلام عليكم ابي نعناع جديد مابي أي كلام ..:) وهكذا أعطيته ثقته بنفسه وكثير أخليه يشتري بنفسه طبعا قدام عيوني وانا اشوفه بالسيارة أخليه يشتري الأشياء الواضحة مثل اللبن الخبز والله لها فايدة جربوها وراح تدعون لي ما أحب التدليل ولا القسوة .. الترفيه مرة وحده بالأسبوع كافي ولي عودة للي عمرهم أصغر

ماشاء الله تبارك الله اللهم بارك لأختنا أم عبدالرحمن واحفظ لها ذريتها والله يا أخواتي إني ما...

ما لقيت اسم :

موضوع حلو ومفيد مشكوره ومتابعه معاك

موضوع حلو ومفيد مشكوره ومتابعه معاك