انا قريت فتوى للمنيع وسمعت العريفي والمطلق اجازوها بشرط تكون واسعه وساتره
ومافيها زينه .. سوو بحث وتأكدو

واله الوحدة من كثر الفتن الي نشووفها الحين صرنا نخاااف من الحلا والحراام
فالاولى غااااااليتي أن تتركيها لوجة الله فمن ترك شي لوجة الله عوضه خير منه
أما بالنسبة لي عبااااءتي وبكل فخر على الراس ولن افكر مجرد تفكير بتغيرهاااااا

انا حابه اقول شغله بس مو من باب العلم الواسع بالدين ولا من باب الانفتاح لكن وجهة نظري فقط كفتاة مسلمة احاول قد ما اقدر اكون اقرب للصواب والوسطيه اللي مطلوبه هي اساسا بديننا بعيدا عن التشدد والتفريط المحرمين،،، ديننا دين اليسر والسهوله اساسا وقبل اي شي لكن ما ادري ليه دائما الانسان لما يبغى يحس انو متعمق في الدين ومتمسك فيه صح اول شي ينساه هذا الجانب ، وشيوخنا الله يجزاهم الخبر ويشد ع اياديهم للحق والخير اكثر واكثر لما يفتون بشي ياخذون الاحوط دايما وهو الحجاب المحتشم الساتر اللي ممكن لما الشيخ حتى يوضح انو ع الراس بحكم انو رجل قبل اي يجي فيكون حاط فباله انو الكتف محصوره بالاشكال المشينه اللي ما تمت للحجاب اصلا بصله،،،، مع انو في الواقع واللي انا اشوفه انو بعض عبايات الراس صارت فتنه وملفته اكثر بالفين مره والله وعندي الفراشه استر منها بكثير
فيااختي الغاليه انا برايي ابدا ماصار المقياس راس ولا كتف ،،، مرجعك هو ايمانك وضميرك كمسلمه انت جربيها وشوفي تحسين انها ساتره توكلي ع الله وانا احس جد لانو اعرف كثير ناس يلبسونها ومريحتهم الحمدلله خصوصا مع الحمل والاطفال وساترتهم قبل اي شي اما اذا حسيتي لا والله وسبحان الله المسلم الا ما يدله قلبه اذا كان غلطان او حاس انو مسوي شي غلط لكن اللوم هو يسمع ويصحح ولا يتجاهل ويكمل !!!
و اسال الله لي ولك ولجميع اخواتنا المسلمات في جميع بقاع الارض الستر والعفاف و فعل الصواب!
واللي قلته ماهو الا راي و مبدا ماشيه عليه فحياتي يحتمل الصواب و يحتمل الخطا واحتواءه ع ثغرات اسال الله ان يفتحها ع قلبي ويغفر لي ويرحمني والمسلمين :)

انا كنت اللبس على الراس وياما انكشف صدري وانا شايله ولدي  ، واللحين فراشه وسيعه والطرحه ساتره الكتوف والصدر