مين فيكم حققت اللي تبغاه (عدد الاطفال)

السلام عليكم يااحلى امهات
امهات عالم حواء كيفكم ان شاء الله تكونوا طيبين انا جايبتلكم موضوع حلو اتمنى الكل يشارك فيه لاني من زمان عن قسم الحمل والامومه مااحبه اخاف ادخله افاول على نفسي واحمل هههههههههه انا الحين تخصص حياه اسريه تعيسه قصدي سعيده اقرا في مشاكل الحريم وانا كذا:mad: او كذا :icon33: واروح لابو الشباب:arb: واقوله اتخيل في وحده كذا وكذا زوجها سوى فيها لو انت ممكن تسوي زيه هو كان يقولي لا والله بس لمن شاف الوضع اتطور معايا ومصختها صاريعصب ومن قبل مااحكيه يقول لا تكملي ويدعيلي بالشفاء من المرض اللي اصبت فيه وهو مرض التخيل واني احط نفسي بمكان كل وحده واحط حري في زوجي وحلف علي اني ماعاد ادخل هذاك القسم الين اتعافى هههههههههه لا ومااختار الحريم السعيدات في حياتهم لا الا انا تخصص تعاسه ادعولي ان ربي يشفيني ههههههه
الحمدلله الحمل نعمه من ربي ومافي احد مايتمناه بس انا بصراحه عندي ماشاء الله 3 :04: طلعوا الشيب في راسي (ماعندي شيب الحمدلله انا لسه صغيره بس هذا التشبيه كنايه عن شدة العذاب معاهم في تربيتهم ونومهم واكلهم وشربهم وكل مايخطر في بالكم من انواع العذاب سواء لي او لابوهم وحتى ماما لاني احيان ادق عليها ابكي منهم الله يخليهم لي بس ويحفظهم ويصلحهم ويهديهم يارب العالمين)(اكشن ياكنايه مسويه فيها مدرسة لغه عربيه الاخت) عشان كذا ماابغى احمل الحين على الاقل الين اكبرهم
المهم نرجع لموضوعنا اليوم اللي هو (ماقلتلكم مسويه فيها مدرسة لغه عربيه) معليش خلوني اتخيل هههههههه ادري طولت عليكم وفي قلبكم قاعدين تقولوا اخلصي خلاص خلاص باقول
كل وحده تكتبلنا قبل ماتتزوج كم كان عدد الاطفال اللي تتمنى تجيبهم وهل مازالت على نفس الراي ولا اتغير بعد الزواج وهل وصلت لهذا العدد ولا لا انا عن نفسي كنت ابغى ولد وبنت وزوجي كان يقولي انا ابغى ذريه فاهمين يعني ايه ذريه يعني درزن درزنين لكن بعد ماشاف خلفته صار يقولي خلالالالالالاص كفايه ماعاد ابغى قلتله طيب لو كان ماعندك الا ولد واحد ماراح تقول ابغى ولد ثاني قالي ياشيخه حتى لو كانوا كلهم بنات ماعاد ابغى ههههههههههههه انا بصراحه فرحت انه اتنازل عن الذريه المهم يالله كل وحده تكتبلنا وتشاركنا في هذي السالفه واللي عجبها موضوعي تدعيلي بهداية اولادي ولا تنسوا ايقونة الشكر ضغطوا عليها الين تتعبوا ههههههههه
واخيرا وليس باخر يارب ترزق كل محرومه بالذريه الصالحه ولا تنحرم من كلمة ماما يارب قولوا امين