مين فيكم منحوسه بحياتها بكل شي وحتى ب اتفه الاشياء

ادري بتقولون تفائلي ولا تجذبي لنفسك الحظ الخايس وووووو ...
انا انسانه متفائله بس مافي فايده انا منحوسه ب اشياء كثييره بحياتي ورب الكعبه بدون مبالغه لدرجه انو اللي حولي بدو يركزون اني منجد منحوسه انا قبل كنت اقول يمكن انا ابالغ ويمكن في كثير بنات مثلي احاول العب على نفسي بهالكلام عشان اتفائل بس تصير مواقف واحداث تثبتلي عكس هالشي بس لما شفت انو الناس بدو يركزون اني منحوسه بشكل كوطبيعي هنا تأكدت ابغا اعرف وش سبب هالشي والله تعبت لما اقولكم منحوسه منحوسه من ناحيه كل شي بحياتي منحوسه بصحتي وعافيتي والنعم اللي عطاني ياها ربي قاعده تروح مني وحده ورى الثانيه منحوسه بحياتي وعيلتي المتفرقه والمتشتته ومنحوسه ب امي وابوي المنفصلين واللي ماقد شفت ابو وام مثل طبعهم الغريب والمعقد ومنحوسه بسعادتي وراحتي ماقدر اروق بدون مايصير شي خايس ماقدر اكل لقمتي بدون مايصير شي ياينكب عصير على ملابي يايجي اخوي الصغير يطيح الصحن ووووو ..
انا انسانه دايما اكرف مستحيل اقعد وذا جيت بروق ماقدر اروق لازم يصير شي خايس خليكم من الرواقه احنا عائله ممله حتى طلعاتنا خايسه وذا صادف وطلعنا طلعه حلوه اكون انا مو موجوده يصير شي واضطر ماروح دايما الاشياء الحلوه تفوتني
يابنات انا ماني عارفه اعبرلكم عن نحاستي هذي نبذه بسييطه والله ذره من الاشياء اللي قاعده اعاني منها بحياتي..
وكمان منحوسه بدراستي انا وحده شاطر الحمدلله معدلي عالي مره بالثنوي وللاسف مو قادره ادرس ابوي خدماته متوقفه من 5 سنين توقفت اول ماتخرجت من الثنوي ومو قادره ادرس ..
انا صرت لما يجي يوم انبسط فيه استغرب اقول انا وش سويت عشان ربي يسعدني اليوم وبنفس الوقت اخاف يصير شي خايس لانو مافي شي يكمل سعادتي ماتكمل والله ..


الله يخليكم لاتجو تقولون لي تفءفلي انا متفائله وربيي قاعده احاول اسعد نفسي واتجاهل بشتى الطرق بس ضاقت فيني وقلت اجي افضفض واشوف مين في مثلي لانو من بين كل البنات اللي اعرفهم واللي يقربون لي مافي وحده مثلي وبمثل حظي ..
انا حتى مو متمتعه بشابي وصحتي وعافيني فيني امراض كثيرره مادري من ايش احس ربي غضبان علي او كأني محسوده عشان كذا مو قاظره اتهنى بولا شي او مسحوره ماادري وش سالفتيييي