نساء كثيرات عزمو على قيام رمضان من قبل مايبدأ الشهر وقررو اداء العبادات بكل روقان وراحه واتقان لكن !!!!
ياحريم بسألكم سؤال
ايش ينغص عليك قيام رمضان ؟؟
وراح اطرح بعض المشاكل اللي تواجه الحريم وايضا كثير من الرجال بس احنا بما اننا نساء راح نتكلم عن مشاكل الحريم
1- الابناء الصغار في المنزل
2- كثرة الاهتمام بالطبخ والنفخ والتفنن باطباق كثير مالها داعي واغلبها تكون طلب من الابناء او الزوج او اهله مثلا
3- عدم مساعدة الام وترك كل المسؤوليات عليها
4- وموضوع جدا خطير لاحظت انه يعيق اداء العبادات بتركيز وهو عدم الاشباع الجنسي والعاطفي عند الزوجه
لو يوم يمر شعرت فيه بحاجتي لزوجي وزوجي كان غير متعاون الاحظ ان عبادتي تكون بدون تركيز مهما سويت
ايش رايكم انتو وكيف نحل هذي المشكله
واللي تبغى ترتاح من هذا الموضوع تخلي في بالها انها تريح زوجها عشان ربي يريحها ويساعدها
مو تكون انانيه وتفكر في نفسها وساعة ماهو يحتاجك تتحججي بمليون حجه
خللي بالك حتى هو ممكن يكون معزم يقوم رمضان على اكمل وجه ويحتاج زوجه متعاونه عشان يركز وهذا شهر العبادات ويحتاج تركيز واشباع عشان ماترتكب الاخطاء في هذ الشهر
ايضا الاكثار من الدهن والحلويات والاكلات الكثيره تخللي الواحد تعبان لاهو قادر يقوم الليل ولا يعرف يصلي ولا حتى يقوم بواجباته تجاه زوجته
على فكره قبل اربع سنوات خبرت زوجي من قبل رمضان اني احتاج تركيز في العبادات واني احتاج اشباع جنسي عشان اركز في عبادتي وايضا هو اشباع له
فقال لي: هذا شهر العبادات مو شهر هذي الامور وحتى لو صارت تصير بسرعه
طبعا تصير بسرعه يعني هو يخلص بسرعه ويرتاح وتبقى الحرمه بدون اشباع ولا تركيز
ارجو الرد كيف انتو تتصرفو
صرت اتمنى ان كل رمضان اصير اعاني من الام الدوره عشان اركز في عبادتي اكثر
لأن لما تقرب الدوره تقل عندي الرغبه في الجماع
لكن ولا مره صار كذا في اي رمضان بالعكس وكل مااركز في عبادتي مخي يشتل ويجي في بالي حضن زوجي والفراش
والشيطان شاطر جدا في هذي الايام عشان يلهي الانسان عن عبادته
وزوجي يخرج طوال فترة المساء ويرجع تعبان وبس منسدح ويبدأ في قول انه تعبان ويحتاج يرتاح ومايبغى يتكلم في شي عشان لاالبس واتجهز للجماع
يعني يوقفني من قبل لاابدأ
ارجوكم ادعولي في هذه الليالي المباركه ان ربي يصرف عني الشيطان عشان اكمل رمضان والعشر الاواخر وانال اجر هذا الشهر كامل
يلزم عليك تسجيل الدخول أولًا لكتابة تعليق.
الصفحة الأخيرة
الله يعينك ..
بس اول مرة ادري اذا ما صار اشباع تتشتت الحرمة يمكن انتي حالة خاصة ..
اللي اعرفة محد لا الزوج ولا الزوجة لهم مزاج في رمضان ..