نور 91 :

اهلين اختي ( ضاعت ايامي ) الصراحه مشكلتك ميب هينه ابدا ومع اني موب متزوجه بس احس بالاحساس اللي تحسينه (انك تكره احد بمجرد مايتكلم والا تشوفه تحسين بضيقه وتحسين انك تتمنين انه يختفي يعني كره ماله حدود انا جربت هالشعور بس الحمدالله موب مع زوج لا مع ناس في حياتي بس تدرين وش نهاية علاقتنا نكون سمن على عسل تدرين ليش لاني عرفتها عن قرب وصرت احس فيها وتحس فيني يني ممكن ادري من نظره او ابتسامه وش مقصدها بالظبط يمكن تقولين وش دخل هالكلام في سالفتي بس الصراحه حسيت من كلامك انه هاذا اللي فاقدته معه يعني محد يحس بالثاني والانسان فيه جانب ايجابي وجانب سلبي بس انتي وهو كل واحد شايف الجانب السلبي بس وهاذا اكبررررررررررر غلط ) وحده الله يذكرها بالخير قالتللي مره اذا تمشكلتي مع احد قريب منك وماتبين تزعلين عليه او تشيلين في قلبك فكري علطول بحسناته والاشياء الحلوه اللي بينكم ومن يومها حتى لو كرهت او احد بعدت عنه كان في يوم من الايام قريب مني والله تبقى محبته في قلبي ماتتغير يعني سؤال صرييييييييييييييييييح ليش ما ذكرتي ولا حسنه من حسناته ؟ اذا فعلا له حسنات قوليها (لك الخيار في الرد) واذا مارديتي خليك امينه مع نفسك وجيبي ورقه واكتبي كل حسنااااااااااااته حتى لو كانت ماتذكر او انك تحسينها اشياء واجب عليه يسويها (لان فيه ناس الاشياء الواجبه عليه يسويها يتمنن فيها وبطلعة الروح يسويها مثل (المسكن ..المصروف..المشاوير) بعد ماتكتبينها قولولي كم عدددها هاذ اولا ثاني شي سوي مقارنه سريعه يعني موب لازم تتعمقين في الخيال بين عيشتك هاذي والعيشه اللي بتعيشينها بعد الطلاق (لا سمح الله ) صدقيني بتتعب نفسيتك وبتحسين ان الناس اللي حولك موب متقبلينك ولو امك وابوك كبار واخوانك كلهم متزوجين فمؤكد ان بتطلعلك مشاكل مالها اول ولا تالي طبعا هاذا غير لو صارو عيالك معك محد رح يهتم فيهم وانواع الذل والاهانه وصدقيني اسمع باأرامل (يعني مالهم يد ابد في اللي صارلهم لامن قريب ولا من بعيد والناس تقسى عليهم وعلى عيالهم حتى في الاشياء الاساسيه اللي لازم تكون متوفره يوفرونها لهم بعد ذل وترجي ومرمطه فيهم مابي انكد عليك واكتبلك عنهم خصوصا ان موب هاذا الموضوع ثالثا وبكل امانه حاسبي نفسك وشوفي فعلا عيوبك وسيئاتك تعاملك مع اي مشكله بينكم طريقتك في الكلام صدقيني بتلاقين نفسك تغلطين كثير وانتي موب حاسه رابعا وهو الاهم من كلامك حسيت ان هاالمرحله هاذي ماجات فجأه لا جات من تراكمات كثيره من المشاكل والمواقف اللي وصلت لطريق مسدود قررتي بعده انك تسكتين على حالك بس بقولك شي حطيه في بالك لو فعلا وصلت مشاكلك لطريق مسدود فنصيحه خذي كل مشكله على (حده ) ..:09:تعبانه فيها هاذي ....وحاولي تحلينها بالتدريج بس بطريقه طبيعيه وبهدوء اقصد بكلامي خذي ورقه وخليك جاده واكتبي فيه كل مشكله منكده عيشتك وحليها صدقيني فيه مشاكل نتوقع ان حلها صعب او انه يبيلها وقت عشان نحلها بس لو فكرنا بعقولنا صح عرفنا وش اسرع واحسن حل (فيه نقطه حبيت اعلق عليها وهي المصارحه بينكم ماادري من وجهة نظري احس احلى طريقه لها انك تكتبين للشخص في ورقه يعني موكلام شفهي وجها لوجه (احس هالطريقه موب زينه ابد )ما ادري احس الكلام لما ينكتب يطلع من القلب ويدخل في القلب بس نصيحه لو كتبتي له شي لا تخلين شي يضايقك الا وانتي كاتبته وبين كل كم سطر ذكريه ان حالكم موب عاجبك وان ودك تكونون سمن على عسل وخلي كلامك يطلع من القلب ...........ادري بربرتي واجده بس مو هاين علي ابقي في راسي كلام ماقوله اخر شي احب اقولك انا ما اعرفك ولا ادري وش تفكيرك وش حجم مشكلتك بس صدقيني ان كل الكلام اللي قلتهه كتبته بعد ماحطيت نفسي مكانك عموما ربي وحده هو العالم بحالك نصيحه لاتخلين الدعاء واستخيري قبل لاتقررين قرار ممكن تتمنين انك متي قبل لاتقررينه وادعي لك ولزوجك انه ينور بصيرتكم ويشرح صدوركم حبيت اقولك شي قبل اختم كلامي لاتصيرين من الناس اللي مايبون يشوفون الصح من الغلط وثابتين على حالهم ومايبغون يحسنون من وضعهم او مايبون يغيرون رايهع يعني زي اللي محطوط جو راسهم فكره او قرار اوشي معين ومقفلين روسهم بقفل ومضيعين مفتاحه ومايبون يدورونه (ترى ما اتريق او اتمسخر بس حبيت اشبه) تقبلي كلامي بصدر رحب واتمنى اشوف رد على كلامي

اهلين اختي ( ضاعت ايامي ) الصراحه مشكلتك ميب هينه ابدا ومع اني موب متزوجه بس احس بالاحساس...