كللللللللللللللل اللي قلتوه تتصورو ماصار كل هذي السنين؟؟
يااخوات هذي سنين طويله اتكلمنا فيها عن كل شي واتصارحنا بكل شي
ياما اتصارحنا بطرق كثيره بس مافي امل نعيش زي الخلق والاوادم
آخر شي قعدنا على حالنا هذا والله شاهد علينا كل واحد في عالم خاص فيه بعيد عن الثاني تماما
لاالاسلوب ولا العمر ولا طريقة التفكير وحده منهم تجمعنا
بالعكس ان ابعد اثنين عن بعض
رغم الثقافه والخبره لكن مااحس اننا لبعض مع اننا متزوجين
هو يستاهل وحده غيري واتمناله الخير والله بس انا ماعاد اقدر اعطيه شي ماعاد اقدر نهائيا
عليه ضغط نفسي رهيب ماني قادره
والله امثل عليه التفاهم يومين ثلاثه وفي الاخير لازم افشل في التمثيل وارجع لحالتي
حالتي اللي اعيشها الآن اصبحت هي الطبيعيه
وتفاهمي معاه اصبح امر غير طبيعي ووراه مقصد او مصلحه من الطرفين وياعيني على المصالح --- كلها تافهه -- سواء مصروف البيت -- او مساعدة واحد منا للثاني لقضاء امر معين --- او تخليص بعض الامور العالقه -- يعني مصالح سخيفه
هذي عيشه بالله؟؟؟
لاتقولولي اهلي وأحد محارمك ومن هذا الكلام
اقسم بالله صرت أبر بأهلي وادلعهم وازورهم واجيب لهم الهدايا وانا الدمعه طارفه والكره مالي قلبي والحقد
هم سبب كبير في تضخم المشكله
الاطفال جو مع الجهل بداية الزواج ولو كان الامر بيد الانسان كان رجعهم للعدم ورجع الايام لورى ومنع هذا الشي
لكن ياناس انا دائما مااحب ادخل الاطفال في طريقة حياة الكبار ومشاكلهم
يعني ايش فيها لو احد جرب حياه معينه وماناسبته وحب يغير الوضع بالاحتفاظ بمشاعر الاطفال والخوف عليهم والاهتمام فيهم ؟؟
يعني كل من حب يغير حياته للافضل حطو موضوع الاطفال حجه ؟؟ طيب لو زوجي طلقني مثلا واتفاهمنا على موضوع الاطفال انه نكون محترمين ومثقفين في طريقة تعاملنا معاهم بحيث مايحسو بالفقد تجاه احد معين
هذا لو الاب اصلا داري عن اطفاله ومو تارك الهم كله لزوجته
بالله مو كان ارتاح هو كمان واتزوج وحده تحبه ويحبها ويرتاح من الحال اللي صاير؟؟؟
لازم يوصلونا للوضع اللي الرجل فيه يمل ويطفش ويتزوج والحرمه مكانك سر؟؟؟؟
انا تعبت من القهر اللي اعيشه تعبت ومايعلم بحالي غير الله
ماعندي اي احد يفهمني
ماعاد اقدر افتح فمي لأحد
ياليت اعرف قاضي يساعدني او يفهمني او اي انسان في منصب معين خاص بحقوق الانسان او القضاه يفهمني ويساعدني بأي طريقه
قولولي لو كبرت راسي وسويت اللي في راسي كيف اعيش سعيده من غير اهلي وناسي؟؟؟ والكل رافض الفكره والكل يشجب ويستنكر
لكني صرت ادعي ان كل واحد منهم يمر بنفس حالتي ساعتها اقدر اتكلم لكن الشماته مو زينه
يااخوات عندنا عيب الوحده تتكلم في طلاق بسبب عدم حبها لزوجها او كرهها له او عدم رغبتها فيه او التقرف منه --- عارفين كيف يتقبلو طلاقك وايش الاسباب عندهم؟؟ لما يوصلك زوجك لدرجة الجنون وتدخلي المستشفى وتصير مجنونه ويمكن تنسي ساعتها موضوع الطلاق لأن ماعاد بيصير عندك عقل اصلا
او اذا طاح فيك ضرب واشرفتي على الموت وممكن كمان يسامحوه ويقولو احسن من الطلاق يابنتي
او اذا شتم العائله الكريمه ولازم لازم يسمعوه باذنهم ولا مايصدقو ولا يسمحو بالطلاق وطبعا مافي زوج يشتم عائلة وحده قدام اهلها وصار يتجنب شتمهم قدامها كمان
والله اني اعرف ناس بنتهم زوجها يسكر ومايصلي ويصاحب بنات وبرضو يقولولها اصبري عليه ****لله يتعدل احسن من الطلاق
وبالله البنت اذا تطلقت فين تروح؟؟ بسبب او بدون سبب بتروح لأهلها اللي ماعاد يستقبلوها زي زمان
كل شي اتغير بمجرد خروج البنت من بيت ابوها
هذا مو حرام ؟؟ ليش جابونا اجل؟؟ هذا مو ابويه اللي كان يحبني ويدلعني وانا صغيره ويخاف عليه؟؟ ليه يتغير عليه اذا كبرت واتزوجت يعني؟؟
وهذي مو امي اللي كانت تخاف عليه من النسمه وتبغاني اعيش سعيده وماترضى حتى انه احد يدعي عليه او يهاجمني غيرها ؟؟
وهذولا اخواني اللي كانو يدافعو عني في كل مكان وكل همهم حمايتي ؟؟
هل رفضهم لطلاقي وانا بهذي الحاله حمايه لي ؟؟
انتو قولو هل هذا القرار فيه حمايه لي؟؟ انتو جاوبو
والله اني ابكي وحاسه بقهر
نفسي يتقبلو الامر باريحيه ويساعدوني اتجنب سنين جايه من القهر والحرمان
انا كثير افكر اهرب واترك رساله اوصي فيها كل من قراها على اطفالي
بس برضو مااثق في احد غيري يهتم باطفالي
وفين اروح اصلا؟؟؟
ووالله ابوهم مو داي عنهم وكل الجهد والتعب عليه
هو عليه المصروف وبس
استعيذي بالله من الشيطان هذا ممل زوجي وتذكري
ستتذكرني عندما تعاشر غيري وستبكي على عشرتي زمن طويل
ستتذكرني عندما تعاشر غيري وستبكي على عشرتي زمن طويل
الصفحة الأخيرة
هذا زوجك يعني عشرة عمر بغض النظر عن تصرفاته وشكله واسلوبه مفروض انك تقوليله ع اللي مضايقك منه مو تنتقدينه وتفكرين بالطلاق منه خصوصا وان بينكم عيال
انا ماحبيت اقرا موضوعك واطلع بدون لاارد عليك بس حبيت اقولك ( اصبري عليه وحاولي تساعدينه الحياه مشاركه مو واحد يتحمل المسؤليه والثاني ينتقد تصرفاته) وبعدين مشكلتك مو خطيره لدرجه الطلاق لوتشوفين مشاكل البنات اللي بالمنتدى تحمدين ربك ميه مره ع نعمه اللي عندك احمدي ربك انه مايخون ولا فيه ايدز ولا خمار ولاسكار ولاراعي بنات ولا مدمن عشان ريحته بتطلفين...
الله المستعان...