السلام عليكم ،،

عاد انا الحمد لله للحين ما حد شافني من الرجل غير أبوي وأخواني <<< حلفي يا شيخة .

وبذكر لكم موقف لصديقتي تقول ( كنت بالعيد داخله المجلس أبي اسلم على أبوي وأخواني من أمي وغير أمي وكانوا وايد ، فجاءة وأنا داخلة أسلم عليهم الا وأشوف من بينهم ولد عمتي سلمت وطلعت وأنا منحرجة وجهها ألوان ، بس تقول الحمد لله ولد عمتي رجل كبير بالسن ومتزوج ).
الموقف الثاني لصديقة ثانية تقول ( جدتي وجدي جوا عندنا بالبيت ودخلوا السيارة بالكراج الداخلي بالمنزل ، وتنادي عليها جدتها يا فلانه تعالي نزلي معاي الاغراض ، تروح البنت تنزل الاغراض وهي تنزلهم الا تشوف باب الحوش الخارجي مفتوح ولمحت أخوها وربعه ، هم شافوها وصدوا بس أخوها لا ، هي تفلسفت عاد وراحت حق أخوها وقالت له تراني شفت ربعك وشافوني لاني كنت بالحوش هذاك الوقت ، نزل أخوها طبعا طق وطق فيها لين اشبعت ) وأنا أحترت من تصرفها قالت لها ليش قلتي لاخوها وما داريتي على الموضوع ...
تقول الحكيمة خفت لا ربعه يقولون له أنهم شافوني ، فقالت أتكلم أنا قلت أتكلم بالطيب أحسن لي بس بعد الضرب اللي كلته عليها بالعافية عرفت أنهم طيبين ومحترمين وما بلغوا أخوها عنها << بس بعد شنو ما نضربت المسكينه .

انا مرة كنت في الحمام الخاص بالحريم (وانتوا بكرامه) كنت اتوضأ للصلاه وكان في حد داخل الحمام الحمدلله تونى مخلصه وضوء والا اشوف الباب انفتح وريال طلع من الحمام انا تجمدت من الخوف وهو شكله انحرج وطلع بسرررررعه ,والله صدمه مع انه كان خليجي يعنى يعرف يميز اى دورة مياه خاصه بالرياييل او الحريم بس ما حسيته قاصد.

موقف واحد محرج صج

كنا بالمخيم انا وبنت خالتى كنا بالغرفه ودخل ولد خالتى علينا

وكان ملفعى مو براسى ما ادرى وين انا كنت قاعده بكرسى وبنت خالتى بسرير

واقووول طيران وراهااااااا لووووووول بس ماهديته لبست ملفعى وزفيته ويقول ماشفتج

مثل الشمس كنت ابين لوووول احراج

اما اناصارلي موقف بصراحه لا احسد عليه.......
مره كنت طالعه من المدرسه وادور على اخوي واشوف سياره كانها سيارة اخوي والا البنت
طيراااااااااااااااان على السياره ماصدقت القى السياره من الزحمه
والا اركب قدام واقوله يلا بسرررررررعه
ترااااااااااااااااااني واصله حدي بسرعه الا هو ساكت وينزل من السياره وانا اقوله هيه يلله
ومايرد علي وانزل ورااااااااه الا الخو مو اخوي والله وجهي صار الوان قوز قوزح والرجال قاعد يضحك
واروح لاخوي وانا معصبه واعطيه تهزئى محترم

هههههههههه والله المواقف تضحك بس بوقتها ام الفشيله:09: عاد انا صارلي موقف الله يكفيكم شره والحمد لله اني طحت بابن حلال مو ابن :30: والا كان قاعد بكبد اهلي ليومي وما اعرست:hahaha: المهم لا اطول عليكم واسمعوا السالفه هذا يوم ام ماجد بلمتوسط وانواع الرجه والدجه انصرفنا الظهر وقام ينادينا الحارس يوم نادى كنت فوق بلصف واسمعه ينادي كان ايامها الوالد الله يرحمه يجي ياخذني من المدرسه والله واجيك ركض مع الدرجان بسرعه 1000 ما ودي اتاخر على الوالد<<<<< مسويه تطلع من يوم يزهم تخاف بناتها يقرون فعايلها:hahaha: المهم واتلفف بهالعباة واسحبها وراي وازاحم عند الباب الي تقول وجع لا تدفين والي تقول اصبري الدنيا مو طايره وانا مغير افكر بالوالد ماودي يزعل ولا يمسط عقاله بظهري:hahaha: واطلع والا السياره قدام الباب وافتح الباب واركب اه سلا لا لام عليكم مسويه فحمانه:hahaha: والا الي جنبي مو ابوي :arb: :arb: وتشفون وجهي صرت كذا:eek: الرجال تدرون وش سوى ؟؟؟؟؟؟؟؟ نزل من السياره ههههههههههههههههههههههههههههههه قال وش هلبلشه وانا تدوروني ما تلقوني انزل من السياره والله كني بحلم احس نفسي انزل بسرعه بطيئه مثل الي بلمباريات لا عادوا الجول وانزل الله ستر علي ما جات البنت والا الابله لسيارتها ولقتني والا ابوي يشوفني ولا كني مسويه شي:) بعدها بكم يوم حكيت اهلي قالولي الله يرجك دايم مطفوقه المهم الحمد لله جات سليمه الله لا يبلى مسلمه بهالموقف