مين فيها كولسترول وراح..!

كم نسبته عندك ؟؟؟؟؟؟
انا في مثل عمرك ومعاي كوليسترول من يوم كنت طفله واخذ له علاج
واخذ جرعة شيبان بعد خخخخخخخخخخ
وزني مثالي لكن عندي كوليسترول مجنون مررررررره مرتفع لدرجه الاطباء نفسه يستغربون من نسبته
التعب الي تحسينه وقت المشي ماهو من الكوليسترول هذا تعب لان ماعندك لياقه
انتي عارفه لو مانظمتي اكلك حتى الادويه ماراح تفيد
الكوليسترول مايروح حاله حال الضغط والسكري خبصتي اكلك ارتفع انتظمتي نزل وكمان وراثي
وكل ماكبرتي وهو معاك تزداد مخاطر الجلطات وتصلب الشرايين

ما انصحك لابدايت سنتر ولاشي
لان الكوليسترول يحتاج تغير نظام حياتك للأبد
ماينفع تغيير شهرو لاشهرين وبعدين تطنشين وانتي ماراح تشتركين بدايت سنتر للأبد
لاتحرمين نفسك من كل شي لكن انتقي اكلك واحسني اختياره
وليش تجلسين علي السلطه والفواكه للأبد ؟؟؟؟
نوعي في اكلك لكن بعقل
ولاقللتي الدهون حتى جسمك وبشرتك بيتحسنون
يعني لاتفكرين فيها بجانب صحه ومرض لاخليه اسلوب حياة
خلي كل شي في البيت قليل الدسم او منزوع حليب - جبن - دريسنق للسلطات
وكمان زيت الزيتون العضوي مررره يخفض الكوليسترول وبذرة الكتان بعد تخفضه بسرعه واللوز المحمص مررره كويس
لاجعتي العصر بدال الليز والبرينقلز قطعي جزر وخيار واعملي لك ديب خفيف وكليهم
لاطلعتي مطعم مع اهلك خذي ساندوتش دجاج مشوي مع جبن قليل الدسم واغلب المطاعم توفر ها الشي
ولاحبيتي تحلين خذي بدال الايس كريم فروزن يوقرت تلقينه في اغلب محلات الايس كريم مثل (لندن ديري -هاقنداز - باسكن روبنز )
مررره خفيف وحلو مافيه دهون كثير وطعمه ماتفرقينه عن الايس كريم وماتصدقين انه زبادي
وممكن تاكلين تشوكلت بين فتره وفتره
وفي البيت سهل التحكم بكمية الدهون يعني ماراح تواجهين مشاكل بإذن الله
امشي يوميا ابدي بنص ساعه وزوديها يوميا لين ماتوصلين ساعه وتنفسي بعمق وبعدها بتكتسبني لياقه وماتتعبين من ادنى مجهود
هو صعب با الاول لكن شوي شوي راح تتعودين

الله يعينك ويشفيك ويشغيني

انا زيكم كلسترول الله يشفينا جميعا

الله يشفيكم يااااااارب
قريت بس ماادري عن صحتها اليمون الصغير الاخضر ابو زهيري والثوم تخلطينهم جميع بالخلاط وتخلينهم شوي ع النار بس لحد مايكون ساخن
بسيط وتشربين قبل الوجبه ب10 دقايق مع حميه شوي وبإذن الله تخف النسبه عندك وبرضو سمعة عن الشاي الاخضر..والله اعلم,,,
بس سؤال انتم ايش هي الاعراض اللي بدت معاكم وعرفتو انها كلوسترول؟؟؟!!

شكرا لردودكم خواتي

غنوجه والله مدري كم نسبته بس يقول الدكتور عاليه وان شاء الله اني اهتم بنوعية الأكل وأبتعد عن الدهنيات والزيوت
وبالنسبه للمشي لي أسبوع باديه وان شاء الله يرتفع معدل لياقتي والله يشفيني ويشفيك
دلع الولع والله رحت أسوي فحص شامل وطلع الكولسترول مرتفع
بس أعراضه مدري ايش كل جسمي تعبان

سبحان الله وبحمده
سبحان الله العظيم