مين قد حولت فلوس لاحد واتنصب عليها

السلام عليكم ورحمة الله وبركاته
انا جبت رقم وحدة مدري واحد من منتدى مشهور شغلتهم يأمنو ويشترو منتجات من امازون وغيره بعمولة رمزية
وحولت اول مرة بالف وخمسية و وصلت طلبيتي الحمدلله
دحين حولت 4000بس لسه ما اعطتني الاوك انها اشترت خلاص والي مقلقني انه لها 3ايام ما دخلت الواتس وجوالها مقفل
وترا انا موغبية ما حولت الا انه المنتدى داك ثقة وكتير كتير اتعاملو معاها يعني مو عضوة جديدة و وثقت بيها
بدليل انه اشترتلي قبل
انا دحين خايفة قلت يا انه صايرلها ظرف
او انه على حظي المرة ديه الشيطان ضحك عليها و ووسوسلها انها تسرقني
المهم لو كانت الشغلة شغلة نصب واحتيال
من رقم الحساب الي ارسلت عليه اقدر اجيب البنت ديه
ولو ايوة
الشغلة مطولة?
انا مو هامتني كتير الفلوس
بس اني متحمسة مرة مرة لاني ابدأ مشروعي بالحاجات الي طلبتها من البنت ديه
والشغلة التانية ال4ديه استلفتها من زوجي وبطلوع الروح اعطاني هيا مع انه يقدر يعطيني اضعافها بالراحة
ما احلاني اجي اقولو البنت سرقتني مع انه شراني ويقدر يجبلي حقي
بس لانه هوا انتقادي ودائما يحسسني اني ولا شي
وفهمي على قدي
ودحين راح يقول شفتي وكدا وانضحك عليكي
غير كدا ما عندي احد استلف منه تاني