مصر حلوة جيتها من زمان والحمدلله نوعاً ما إنبسطنا فيها
لوكنا مرتبين نفسنا كويس من بدري كان إنبسطنا أكثر وأهلها زيهم زي السعودية
فيهم الطيب والبطال و إحنا قابلنا الإثنين
و ما أنسى صاحبة شقة إحنا إستأجرناها بس خرجنا منها بعد يوم واحد
لأنه شبابيكها ماعليها شبك حديد
وعندي ولد الله يهديه ويصلحه مصدق نفسه إنه سبايدر مان وعنده قوى خارقة خخخخخ

وأنا كان هدفي علاج مع سياحة مارضيت تاخد فلوس الإيجار
وقالت لنا إنتم ضيوفي وخدو راحتك في الشقة حتى تلاقون إلي يناسبكم
الله يسعدها فين ماكانت ناس عسل من جد بس إحنا ما رضينا وأعطيناها فلوسها
والشقة التانية ماهضمنا صاحبة الشقة مرررة بسبب بعض التصرفات منها
بس أبشركم تعرفت على جيرانها
وهم مصريين ومن اليمن من جد طيبين وعشرتهم حلوة خخخخخخ حتى في مصر أدور الجيران
وعلى فكرة الدار أمان ولله الحمد بس نصيحة غيري كيلون الباب
أنا أعمل كدا سواء في السعودية ولا خارج السعودية
لأنها شقة مفروشة والمفتاح من واحد لواحد وماتدري المفتاح كم نسخة موجودة منه مع غيركم
كمان خدي معاك أدوية المغص والحرارة وحبوب معقمة للمعدة تلاقينها عند الصيدلي
ومسكن للألام ومضاد حيوي في كل سفرية سواء داخل أو خارج السعودية
إذا مسافرة بالسيارة خدي بعض الأكل إلي تحسي إنه ممكن ينفعك هناك
وإنتبهي من إنتم كسبتو معانا بجائزة أجمل طفل وأرقى عائلة
وعندهم حفلة للفائزين وعاوزين منك 20 أو50 جنيه
إذا جيت الحفلة نرجعه لك وتراهم منتشرين بكثرة في مصر وقبلهم السعودية<<<<<زوجها إتنصب عليه ولله الحمد بمبلغ وقدره هههه

وفي النهاية أتمنى لك سفرية سعيدة وخالية من العقبات والمشاكل...

يعطيكم العافية
زودوني بعد بأحلى الأماكن