ياعسل حضرمي:) مثل ماقالوا الخوات عليج بالدعاء
انا ماكنت مصدقه اني بتزوج... المشكلة مب مني من ابوي الله يهديه من وانا 16 الناس يخطبوني وهو محد عاجبه الله يعطيه العافيه والصحه..لاني بكره وبعدي اولاد..ويحبني موووت...اتعقدت الصراحه..وعقب انخطبت بس ماكنت راضيه بس عشان امي لانه ولد اختها..واستغفر الله مات المسكين عقب الخطوبه بشهرين.. صح اني مب موافقه بس اتعقدت من اللي صار..
وبعدين انخطبت لواحد مطلق وكنت في البداية راضيه وفرحانه ابى اتزوج وخلاص..بس سبحان الله صليت استخاره اكثر من مرة وفجأه قلبت الدنيا عشان افسخ الخطوبة..وعند اهلي الخطوبة كانها زواج.. ويوم فسختها الناس كلهم عابوا فيني..قلت خلاص بعنننننس ... مع ان عمري يومها 24 ورحت الحج في السنة اللي قبل لاتزوج.. والله كله دعاء بالزوج الصالح الملتزم (المطوع)... وماتصدقوني انه فيا لصيف اللي بعده طلعلي زوجي من حيث لا ادري:icon28: مع اني ماعرف عنه وعن اهله شي..بس وافقت لانه ملتزم...
واللي يضحك انه كان معانا بنفس موسم الحج:)... وكان يدعي ببنت الحلال:D ..والحين عندي عبدالرحمن ربي يحفظه وابوه
ادعوا ربك بنية صافيه بالزوج الصالح وانشالله بيسرها عليكم مثلي

يابنات بلا زواج بلا هم بلا وجع قلب
انتو محسبين المتزوجات مرتاحات
انا متزوجة لي 12 سنة 12 سنة وانا كل ما اتذكر بيت اهلي وايامي الماضية ابكي
مو مهم الزواج المهم الاختيار السليم او اعنس في بيت اهلي جمب ابوي وامي افضل لي الزواج
مو لازم اذا بيجيب لي النكد اوووووووووووف لسا اليوم تهاوشت انا وزوجي هواااااااااشة كبيررررررررة والله قاعدة ابكي ياريتني ما تزوجت وياريتني اخترت مضبوط
ياريتني ما سكنت مع اهله
سبحانك اللهم وبحمدك اشهد ان لا اله الا انت استغفرك واتوب اليك

الله يرزقك الزوج الصالح وكل بنات المسلمين

والله انا عكسكم انخطبت وانا ناجحه من سادس ..وتزوجت وانا بثنوى وانا اصغر وحده بالعائله وكل اللى اكبر منى جلسو وتحسون الناس مستغربه مررررره والله يأختى لى 8 سنوات متزوجه الا الان ماخلفت وسويت عمليه اطفال انابيب واليوم جتنى الدووره الحمد لله على كل حال .......واللى بعدى تزوجو كلللللللللللللللللللهم معهم اطفال ولا 3 و4 كمان وبهضهم فى المدارس يعنى لاتحطين براسك ان كل اللى تزوجو بدرى مرتاحين وان كل اللى يتزوجون متأخر مهمب مبسوطين.......والله بعظهم العكس تمام والله يأختى انى اتقطع ابى ضنى كل عايلتى مخلفين الا انا الحمد لله على كل حال والله كريم ويعوضنى ويعوض كل مسلمه خير

اللهم ارزقها زوج صالح وذريه صالحه واختى وجميع المسلماااااااااااااااااااات ياحى ياقيوووووووووووم .........اللهم امين

يعطيج العافيه اختي

والله هذا الاحساس فيني

كانج دخلتي بقلبي

والمصيبه اني ولا مره انخطبت ولا مره انطق الباب

والله اني يأست ودوم ادعي ربي

بس اللي فيه الخير يقدمه ربنا

والله خايفه من الزمن ابوي وقف ضدي وماخلاني اكمل دراستي ماعنه مخلي غمتي تدخل الجامعه بس انا رفض

بس ما اقول الا حسبي الله ونعم الوكيل

شسوي اصيح ابجي

والله انقهرت من كل شي اشوف البنات اللي بعمري كلهم تزوجوا الا انا ولا مره انخطبت
خطبه وحده مافيه وعمري الحين بكمل 22 سنه

والمصيبه ان عندي عمتي غير اللي تدرس الحين بالجامعه عمرها 33 سنه تقولي انتي عندج امل تتزوجين

ما ادري ليش واثقه كل هذي الثقه

ماعنها هي ميته تبي تزوج بنت عمي اللي عمرها 18 حق اخوي