مين كانت متزوجه واحد مرتاح واتطلقت واتزوجت واحد على قد حاله؟؟

مرحبا حوائيات




رح ادخل بالموضوع على طول انا كنت متزوجه سابقا من واحد وضعه المادي ممتاز كان موفر لي شغاله وسفريات متقطعه يعني مو كل سنه ... وولدي يدرس في مدرسه خاصه..بس انا ماكنت حاسه بطعم شي لانه حياتنا شبه واقفه..

يعني من اقوى اسباب المشاكل ضعفه الجنسي كانت تمر سنوات بدون مايكون بيننا علاقه زوجيه سليمه... والسبب الثاني خياناته لي اللي مع القريب والبعيد ... مع الصديقات والجارات والشغالات ... كنت عايشه على اعصابي معاه...

وكل طلعاتنا وتمشياتنا مالها طعم ولا لون ...كنت دايما حزينه ودايما بيننا مشاكل ماتنتهي...

المهم الله راد وانفصلنا والان اتزوجت بواحد الحمد لله جداا طيب معاي ويحبني ويغليني ومايهون عليه زعلي وحسيت معاه براحة البال ... بس انه وضعه المادي على قده .... تقريبا دخله 4000 في الشهر ...

الحمدلله هو مو بخيل ويعطيني على قد مايقدر ونروح ونتمشى وندخل افخم المطاعم ماشاء الله ... بس انتو عارفين متطلبات الحياه.... يكون فيه مناسبه عند اهله ابغى اشتري فستان فخم وابغى اروح لكوفيره... او اكون ابغى اشتري جوال جديد مثلا لازم اجمع لموضوع زي كذا...

هذا غير السفر اموت على السفر...

انا عارفه انه مافي شي يكمل في الحياه وانا الحمدلله راضيه باللي ربي اعطاني اياه بس المشكله يجيني احيانا
تأنيب ضمير... اقول لو جلست مع طليقي احسن.... وكثير ناس يقولو اهم شي في الحياه الفلوووس... مع ان انا رايي مو كذا ابداااا...

طول عمري اقول الفلوس عمرها ماتسعد الواحد .... بس الظاهر لمن جربت قلة الماده اتغير رايي....

احيانا اقول هذه وساوس من الشيطان عشان ينكد علي عيشتي...

بس الفكره تجيني غصب عني حتى وانا نايمه...

اتخيلو احيانا افكر اطلق وارجع لطليقي بس عشان الفلوس!!


مع انه مستحيل اترك زوجي وهو طيب معاي لاي سبب بس ماادري ليه تجيني هالافكار المزعجه...

على فكره طليقي طلق بعدي اثنين وهذا اكبر دليل انه الفلوس مو كل شي...


حطو نفسكم مكاني وقلولي رايكم....