مين كانت مطلقة واتجوزت اعزب تدخل

مسا الخيررر بنات

راح ادخل بصلب الموضوع

انا مطلقة وعندي ولد بس مع ابوه وانا ماني بنفس المنظقة ببعد عنن كتير

وحاليا مخطوبة لشب اعزب وماشاءالله عليه رجال بكل معنى اتعرفت عليه عن طريق موقع زواج

بس في مشكلة وحدة فيه انو بيفكر اني لهلا بحب او بحن لطليقي

يعني اذا هو عم يحكيني عالتلفون وانا سرحت بيقلي بشو كنتي عم تفكري ويمكن يقعد ساعه يسئلني نفس السؤال

وكمان ديما بيسئلني اذا رجع طليقك وقالك تعي نرجع نتجوز منشان الولد بتقبلي

وانا جوابي كان انو طليقي من زمان راد يرجعني قبل ماتخطبني وضل 3 سنين ونص شي يقلي رجعي شي يقلي ماعاد اريدك بس انا مع هيك مارضيت ارجعله

بس بيضل هو كتير بيفكر بهل النقطة لانو بيعرف اني بموت على ابني وبحبو كتيررررررررررررر واصلا انا مارجعت لطليقي لانو ابني اتعقد بيناتنا
انا فعلا كنت حب طليقي وعملت الي يمكن ماعمله حدا وخطيبي بيعرف اني كنت حبو كتير
بس طليقي فعلا طلع من قلبي قبل مااعرف خطيبي بفترة
بس خطيبي خايف اني ارجعله منشان ابني

وحتى انو خايف اذا اتجوزنا وراد طليقي ارجعله يمكن ارجعله >>هو هيك بيفكر

وانا قلتله اني قبل مااعرفك رفضت ارجع فكيف لمن عرفتك
وفعلا يابنات في فرق كبيرررر بين خطيبي وطليقي لدرجة مافيني اعمل مقارنة بينن لانو خطيبي طيوب كتيرررر وحنون ورجال بكل معنى مو متل طليقي الي هو ابن امه ومتردد واناني وبخيل

حتى يابنات خطيبي عرض عليي بما انو هو ببلد وانا ببلد وابني بغير بلد
يعني كل واحد ببلد
عرض عليي انو ياخدلي بيت ببلد ابني واقعد هنيك ومصروفي عليه وطبعا راح تطلعلي حضانة ابني لاني مستقرة بالبلد ولمن سئلته وانت قالي الي بدك ياه
بدك بنضل متجوزين وبنزل كل فترة لعندك بالسر منشان اذا عرفوا اني متجوزة مابيطلعلي الولد >>مو انو جوزانا بالسر لاء الكل هون اهلي واهله بيعرفو وقرايبيني بس انو ببلدنا نخبي اني متجوزة
او انو نترك بعض بس بعد مايأمنلي بيت ومصروف عيش منه

انا طبعا رفضت لانو مافيني اتجوز انسان واحرمو من طفل بس منشاني انا مافيني كون انانية ابدا وخاصتن اني عشت مع طليقي انسان اناني واتعذبت كتير بهل النقطة

انا حكيت هل النقطة لحتى تشوفو خطيبي قديه طيب وحنون وعم يحاول ولو على حساب قلبه انو يقربني من ابني لانو الوحيد الي حاسس فيني وانا بصراحة مابدي اخسره لانو اذا مااتجوزته ماراح اتجوز غيره

مو لاني كتير بحبو شيلو الحب بس لانو انسان فيه كل الصفات الحلوة
فما حدا راح يعجبني من بعده لانه انا هيك بحب يكون شريك حياتي

حكيت كتير خخخخ بس سؤالي انو شو الغلط الي بتوقع فيه المطلقة الي متجوزة اعزب ماقصدي الغلط بحد ذاته يعني مممم انو مابدي الزوج يحس انو يمكن انا عم فكر بطليقي مع اني فعلا ماعم فكر
مابدي ياه انو بيوم بيفكر انو هل المشاعر عطيتا من قبل لغير انسان
لانو الزوج الاعزب بيضل حساس مابدي ياه يشك بحبي اله لاني فعلا بحبه كتيرررر

مرة قلتله كلمة وقالي من وين تعلمتيها >>>:09:
اذا دلعته بالكلام احيانا بيجمد بيصير يفكر اذا قلتا قبل هل المرة لطليقي
:icon33:
اذا هو دلعني ولو عالتلفون بخجل وبس اخجل بسكت بيقلي بشو كنتي عم تفكري

اذا زعلت وانا من طبعي بس ازعل مابقدر احكي كمان ولا كلمة >>بشو عم تفكري
الحقووووني شو اعمل فيه خخخخخ لازم من اول يوم اقطع راس القطة
:hahaha:
انا بعد ماتعرفت عليه درسته ودخل عقلي كتيررر ماشاءالله عليه يعني حب عن طريق العقل ومن بعد العقل دخل قلبي وصار سلطان فيه وهاد هو الحب الحقيقي بنظري لهيك مابدي اخسره ابداااااااا
فبليز ساعدوني كيف اتعامل معه بعد مانصير ببيت واحد انا وياه
وراح نكون بالغربة :icon33:ماعندي حدا هنيك ولا هوه لانو سافر كرمالي
هي قصة لحالها :D