مين لها قريب محامي او قاضي

السلام عليكم ورحمة الله وبركاته
يا اخواتي مين اخوها ولا اختها ولا اي شخص يقرب لها محامي اذا تتكرم وترد
للاسف دفع اخوي لمحامي ١٠٠٠ واعطانا الاستشاره قبل اسبوعين والان اتصل عليه ومايرد .
ابى اذكر موقف صار اولاً
بعد وفاة زوجي الله يرحمه ما جاتني اي ورقه من اوراقه المهمه .. عليه تعطلت امور كثيره ..
رحت الاحوال المدنيه وطلبت صوره من شهادة الوفاة حتى اكمل بعض المعاملات المهمه .. دخلت عند المديره بالقسم النسائي كانت حازمه وما ترد الا بكلمه وحده وبأختصار شديد بس حاولت تساعدني فتحت الكمبيوتر وقالتلي مافي شهادة الوفاة بس مكتوب انه تم اصدارها لاكن مو موجوده .. وطلبت مني ارفع طلب للمدير ورفعت طلب ووقعت على الورقه وحطيت رقم جوالي وقعدت ساعتين عندهم بعدين نادتني وقالت ماعندنا .. خلاص اصدرنا شهادة وفاة و حلك ترجعي للي اخذها . حاولت معاها قالتلي شفتيني حاولت اساعدك ورفعت طلب بس هذا الرد الي جاني من قسم الرجال انه مافي عندهم نسخه . هذا الكلام قبل شهرين


قبل اسبوعين رفعت قضيه للمحكمه اطالب بكثير من الامور ومنها اوراق تخص زوجي ضدد الي يمسكها .. وكانت في جلسه كتابيه قبل كم يوم .. المهم انه الي استولى على اوراق زوجي وافق يعطينا شهادة الوفاة وماوافق على الامور الثانيه (( الجلسه ديه زي تمهيد بين المتنازعين بحيث كل شخص يوضح للقاضي الي يبى يقوله ))
اليوم يا جماعه يجيني اتصال من الاحوال المدنيه .. الو فلانه تعالي استلمي شهادة الوفاة حق زوجك الي كنت تبيها !!!!!
ايش الي حصل ليش الان بعد ما نشف ريقي ورفعت قضيه واتبهدلت انذليت عشان لقمة عيش و وحده ربي يعلم بحجم البهدله الي اتبهدلتها
المديره ترد تقول شكله الي اخذها اول جابها بقسم الرجال واعطانا صوره وقالهم نسلمك !!!!!!!!!!!!!!!!!!!
قلت لها واعطاكم كمان رقمي .. رجعت قالت مادري والله بس انت اصلاً حاطه رقمك عندنا اذا تذكري فأمكن طلعوها من هناك (( ورقه فيها طلبي للمدير ووقعت وحطيت ورقه تااافه بسيطه معقول محتفظين بها ))
المهم اني عصبت وصرت اتجاوب معاها وهي جداً لينه وتهدي فيني وتقلي الله ينصرك والله ياخذ بحقك اخر شيء بكيت من كثر ما اني معصبه ..
طيب ايش الي اباه من المحامي ..
١/ اروح استلمها من عندهم ولا انتظر الجلسه حقتي واكلم القاضي (( تراني مررره محتاجتها )) والجلسه لسه ماحدد موعدها
٢ / هل اذا استلمتها تكون في صالحه بحيث انه القاضي ينظر له بأنه متعاون او ما امسك الاوراق ومنع حقوقنا فبالتلي ما يكون في حكم جزائي ضده
٣ / يبدوا في شخص له يتعاون معاه بالاحوال ابى ارفع عليه شكوى فين وكيف ارفع شكوى (( لانه هذاك ظالم وهذا يعاون الطالم غير انه تحاوز الصلاحيات




ادعولي الله ييسرلي لسه ورايا قضيتين والمحاكم يومها بسنه
ياقاضي السموات والارض أوكلت امري لك