مين مارضعت طفلها

سبحان الله مرت علي قصتك وكل أحداثك وأزيد عليك إن معي إكتآب مابعد الولادة والناس زودوها علي
أنا عندي ولد وبنتين وواحدة من بناتي ما مسكت صدري ولا مره والحمدلله صحتها مره ممتازة الله يحفظها وذكية مره أفضل من ااخوها الكبير وأختها الصغيرة
بس إنت ما لك ألا أسبوعين يعني باقي توك حاولي ولا تيأسي
سمي باسم الله قبل ماتبدأين ولاترضعينها قدام أحد

ترى حلمات البكرية تكون مشدودة حاولي تمطين حلماتك عشان تنفك شوي لها
أذكر ولدي اللي هو البكر قعد يمص لين إنفكت شوي نفس الحلمة وواحدة من جماعتنا سوتها لبنتها وصار ولدها يرضع منها أحسن من أول

اختي لولو شكرا على ردك

بس ايش اسوي حليبي صار مره قليل وصدري صغير مررره كل ما ارفعها تعصب وتبكي وتحط يدها بيني وبينها

إيه أكيد بيقل الحليب لأنها مارضعت بس إذا رضعت بتلاحظين ماشاء الله كيف إن صدرك بيدر لحاله
بسم الله عليها الله يحفظها ويخليها لك

بالنسبة لصغر صدرك أنا كنت مثلك والدكتورة قالتلي لا أنزل له وأحني ظهري إرفعيها هي لعند صدرك أحمليها على يدك وحطي مخدة تحت يدك إذا أرتحتي بترتاح إذا شديتي نفسك بتتضايق
حاولي معها إذا نامت
يارب يسهل لك

لا يكلف الله نفساً إلا وسعها

أنا جبت أربعه الله يحفظهم لي ما رضعو مني إلا أيام تنعد على الأصابع و لا هي رضاعه صحيحه بعد

يعني مره أو مرتين باليوم بعدها أتعب و أبطل رضاعه و أستمر على الصناعي

و في أخر طفل لي جبته قبل شهرين جلست فتره أحاول ما قدرت عندي مشكلة الحلمه الغائره

و ما يتقبلون الحليب لا من صدري و لا من الرضاعه إذا سحبته لهم

و الحمد لله صحتهم ممتازه جداً و أسنانهم مره صحيه وسليمه