اسعد الله صباحكم وتقبل الله منا ومنكم صالح الاعمال
اليوم طبقنا طريقة عمل الكبة المقلية
اهم شي في الكبه
البهارات
بهارات الكبه اهيه الي تعطي الكبه طعمها المميز اللذيذ
البهارات عباره عن :
ملعقه كبيره كمون
2 ملعقه كبيره دارسين مطحون
2 ملعقه كبيره بهار حلو
ملعقه صغيره قرنفل مطحون ناعم
نصف ملعقه صغيره جوزه الطيب مطحونه
نصف كوب نعناع جاف مطحون (نستعمله بعدين )
ملح - فلفل اسود
تخلطيهم مع بعض بهاي الطريقه
نصف كيلو بصل مفروم او تقريبا 2 كوب
شحمه تقريبا ملعقه كبيره مقطعه صغير
نصف كيلو برغل جاف
واهم شي في البرغل
تنقعيه في ماي فاتر لمده نصف ساعه
وبعدين صفي البرغل وخليه في المصفى بجوار الشباك لين يجف تماما وكل شوي اعصريه بيدك لين ينزل كل الماي
تفرمينهم لين يصير لونهم بيج على وردي
وناعمين مثل الكريم
وبعدين نضيف البهارات والنعناع الجاف ( نصفه ) وملح
ونخلطهم