انا مثلج في حمالي في بنتي وولدي
دايم اول 3 شهور يحوشني أسيتون في البول
اللي اهو حالتج بالضبط حتى الماي ترجعينه واللعاب ما تقدرين تبلعينه ولازم تنامين بالمستشفى

انا كانوا يعطوني ابره توقف الترجيع ويقولون لي في هالفتره كثري سوائل كثل ما تقدرين لو غصب وأفيد شي عصير البرتقال وكنت بعد الابره ما ارجع الحمدالله واشرب سوائل وماي وايد ويعدها لما اخلص الثالث يستمر الترجيع لكن اهون بوااااااااااايد من بدايه الحمال وحتى انا ما وقف الترجيع معاي الا بالسابع في بنتي وولدي بدايه التاسع

والحين لله الحمد انا حامل بس نساتي أخف بوايد وقاعده احاول كثر ما اقدر اشرب ماي واشرب سوائل

نصيحتي لج اول ما تعرفين انتي واختج انج حامل من اول يوم تحليل كثري سوااااااااااااائل
لا تنطرين الوحام لا شربي ماي وايد وعصاير وسوائل

نقص السوائل اهو اللي يسبب هالشغله وخاصه اذا جسمج مو متعود على السوائل وقت الحمل والوحام الطفل يتغذى من السوائل الي في جسمج وتكون بالأساس قليله علشان جذي تنقص السوائل بجسمج زياده وتتعبين ويبتدي الأسيتون يشتغل ويخليج حتى الماي ما تطيقينه

ربي يهون على اختج ويخفف عليها ويثبت حملها

ياعمري رحمتك انتي واختك
لاني حاسه فيكم
قسم بالله كانك تتكلمين عن ماما في حملها
امي كانت مثلك تمااااااام كذا تقرف من اي ريحه بالدنيا عطورات تايد لوشن كل شيييي وكل ماتاكل شي شي تستفرغه وسالفة اللعاب بالظبط وتخيلي التسع شهور كلهاااااا
اذكر حملها باخوي الصغير انا كنت بالثانويه والله يابنات كانت عايشه على خبز وجبن ابيض وبرضو تستفرغه وهي صايمه تصوم على الجوع طول الشهر على هالحال تخيلي
كان ابوي يهاوشها يقولها افطري بس تعيي ماتحب تفطر
واللعاب اه من اللعاب كانت 24 ساعهالمنديل معها والزباله بجنبها ماتقدر تستحمل لعابها وتبلعه تقرف منه حتىوهي تصلي والله الزباله بجنبها :(
بس عندي لك حل للعاب قولي لاختك عليه
خليها تخلي معها حلاو مص من الصغار الي بطعم الفواكه ليمون فراوله الخ
او علك وكل ما خلصت من وحده تحط الثانيه وهذاالحل الوحيدالي يضيع شوي طعم اللعاب ويخليها تنساه
وعليها مثل ما قالت الاخت لا تجوووع لان الجوع هو الكابوس الكبير في فترة الحمل وهو الي يحفز المعده على الاستفراغ خلي تخلي بجنبها دااااايم بسكوت مالح والله انه زين ممتاز انا البسكوت هذا بشنطتي وين ما رحت لانه رهيب صراحه وخفيف عالمعده جدا عكس الحلى
والله يهونها عليها وعلينا جميعا ويكتبلنا ساعة سهاله

ادعيلي ان ربي ييسر لي ولادتي لاني مفوته عن التاسع اسبوع وللحين مافيه طاري :(

سلام

اناى والله مثلج تماماً
لكن لم اجد حل
باقي علي 2يوم وابدأ بالسادس
------------>>>ويش اسوي

مشكورين الجميع على ردودكم
وشكله مافي حل الا الي قلتوه وفتره وتعدي
انا اقول لاختي عشان اهون عليها انه احنا الي نتوحم اجرنا من الله اكبر من الي ما يتوحمون ولا كأنهم حمل مو حسد بس اكيد الي تتعب مو مثل الي ماتحس بشئ كلش
الله يوفقكم ويسهل عليكم وتقومون ويا مواليدكم بالسلامه