مين مثلي ... او انا غير ... عندي بنت و ولد بدون نظام ... ونفاس بدون خلطات !!!

بسم الله الرحمن الرحيم

السلام عليكم ورحمة الله وبركاته

اسعد الله صباحكم / مساؤكم









من خلال قراءتي لبعض مواضيع القسم
اللي ما طبقت منها اي شي لقناعات شخصيه
اتسال هل فيه بنات فعلا يطبقون بعض الانظمة
سواء للنفاس او لانجاب جنس معين ...؟؟

مريت بنفاسين
الاول ولادة طبيعيه و كانت بنوته
والثاني ولادة قيصريه وكان ولد

بالنفاسين ما استخدمت اي عشبه واي مشروب واي اكلات
كنت اكل واشرب اي شي يخطر ببالي
مويه .. كولا وبكثرة جدا .. مشروبات بارده .. اكل مقالي .. وجبات سريعه
اشرب قهوه وشاهي عادي بدون اضافات
قليل اكل تمر .. ما اغطي شعري ورقبتي
انام والغرفه بارده
يعني اتصرف عااااادي جدا
ولا ضرني الحمد لله يارب .. ولا صارلي مضاعفات
ولا تاثرت من كل النواحي

هل انا غير او هناك مثلي كثير او مجرد مبالغات وتخويفات من مابعد النفاس ...؟

وكمان اللي لها نظام لانجاب جنس معين
يقولون الاناناس يجيب ولد
انا اشرب الاناناس ليل ونهار من قبل الحمل وعلى طول
لانه مشروبي المفضل وجبت بنت وولد
اللي تقول ابتعدي عن منتجات الحليب
انا ما اعيش من غيرها وجبت بنت وولد
اللي تقول لا تاكلون موالح ....
كل اكلنا موالح .. و جبت بنت وولد
ولازم الزوج يشرب قهوه
زوجي ما يحب القهوه ولا يشربها ابدا
وعندي بنت وولد

ونظام اللقاء بين الزوجين ... يحدد جنس الجنين
نفس النظام .. وجاء البنت والولد

انا غير .. او احد مثلي ... او مجرد تكهنات و تاركينها للصدف ..؟؟



بعض المواضيع اللي اشوفها ما تنطبق علي ...
هل احد مثلي :)