مين مثلي تحن لطليقها

بنات للحين احن لطليقي واحبه حيل قلبي متعلق فيه
انا تركته واصريت على الطلاق لاني اكتشفت انه يستخدم كبتاجون وماترك طريقه الا حاول فيها عشان ارجع له واخر شي قال لوانتي  عايفتني بحط لك بيت واصرف عليك واقضي مشاويرك واجيك لوفقط ضيف ونزلت موضوع استشيركم انه بيعطيني رضاوة قيمة مهر ورفضتها
وانتم أيدتوني وفيه من قالت قولي رضاوتي علاجك بس هو رافض العلاج رااافض انه مريض مع اني لاحظت ان الحبوب أثرت على تصرفاته >>>وهذا الي خلاني اطلع من حياته خفت يقتلني
مع انه على قولتهم ياااانفس وش تشتهين
اللي ابيه يلبيه ولاينام الا موسدني يده ومشبعني عاطفيا ورومانسي حيييييل والان اعيش بفراغ كبير ولي كم يوم مانام وابكي والمصيبه ماقدرت امنع نفسي من التواصل معاه للأن متواصلين كتابيا" عبر المحادثات والرسائل ولاكأننا انفصلنا
وهو عنده نفس معاناتي واقنعني ارجع مواقنعني اقصد ترجاني ويوم ضعفت قدامه حاول وراح وجاء بس المحكمه رفضوا لانه طلقني بالثلاث قالوا خلاص ماتحل لك
واليوم خطب وحده ووافقوا عليه ويقول امي شارت علي فيها لأنها اخلاق ويثنون عليها يقول عشان تكون رحيمه في بنتنا
ملكته الاسبوع الجاي وزواجه في اقل من شهر لأنه من 5شهور لحاله وعلى قولته مايصبر لازم حرمه
هو الان يحاول فيني ارضى بأي واحد واطلب طلاقي منه عشان احل له لكن انا رافضه الفكره رافضه لانه حرام..ولان حتى لو طليقي يحل لي مستحيل ارجع يعني انا ماقررت الطلاق الا عن قناعه بس قلبي الان والفراغ اللي جاء بعد طلاقي هو اللي لاعب فيني 
مشكلتي كيف امنع نفسي عنه وعلى فكره هو كل ماياخذ بنته زياره كل اسبوع مره يحط لي مع اغراضها هديه ومرة حط ثلاث الاف
ومحتفظ في فستان لي وخاتم ويصورهم ويرسلهم لي ودايم يسولف معي عن اشياء كثيره بيني وبينه ويقول انا بظلم بنت الناس معي لأني متعلق فيك ولاهي جايه في مكانك
الحين كيف امنع نفسي عنه مابي نستمر بالتواصل بعد زواجه
وابي اريح قلبي منه كيف اطلعه من قلبي
انا انخطبت من اثنين بس كلهم مايناسبوني واحس فكرة الزواج صعبه وبنتي صغيره وبنفس الوقت ماحس برغبه لزواج حتى لوكان الشخص مناسب و24 ساعه افكر بطليقي ترى حتى قبل يطلقني وانا طالبه الطلاق كنت افكر فيه واحن له بس الطلاق كان لابد منه
توقعون فتره وتعدي وانساه اللي جربت ياليت تفيدني وتطمني ابي نصايحكم يااخواتي