اوكي قولي له
بجيب الخدامه الي
تجلس 3 ساعات
في اليوم وتروح
عشان يقدر ياخذ راحته ف بيته

الله يفرج لك ولي ولكل مسلم

اب

أهلين أختي

أنا عندي ثلاثه ونفس حالتك ,,, مرتبه وقتي يعني اذا صار الصغير نايم نامي معه ريحي شوي أو سوي شغلك اذا تبي تعتنين بنفسك

وصدقيني اولا واخيرا نفسيتك تأثر على أطفالك حاولي تروقين نفسك وتدلعينها ,,, خلي الكبير يساعدك بشغل البيت مثلا يرتب العابه يشيل الاشياء من الارض حتى مسح الطاوله والجدار ينبسطون عليه الصغار ,,, عوديه انه ااذا خلص أكل يشيل صحنه ويحطه في المجلى حق المطبخ وكافئيه لكن موب لازم بشي محسوس لا مثلا امدحيه ,,, ضميه ,,, بوسيه ,,, حسسيه انه هو الكبير اذا صار الصغير يصيح قولي له ساعدني رح عطه لعبه عشان يسكت الين اخلص شغلي ,,, صدقيني كذا تعززين الثقه في نفسه

والله يكون في عوننا جميعا ويكتب لنا الأجر

انا حاليا ماعندي شغاله

وبيتي كبير وعندي ام زوجي في البيت وكل اسبوع يجتمعون بناتها وخذ ياطبخ وتنظيف وحوسه
صحيح عندي بس ولد واحد بس الله يصلحه شقي

بس الحمدلله ممشيه حالي شسوي بعد

اختي صدقيني اهم شي تنظيم الوقت والنوم
وممكن تستفيدي من تجارب الأخوات في قسم التنظيف والتنظيم
واحتسبي الأجر وقبل ماتنامي كرري سبحان الله والحمدلله ولااله الا الله والله اكبر 33مرة
واذا مصرة على الشغالة جيبي وحدة تنظف يوميا وتروح ماتنام عندك والا بتتضايقين منها انتي وزوجك