مين مثلي.../ شخصيتي فصامية .معدل/ تم

السلام عليكم
والله ماسجلت بالمنتدى الا عشان استفيد من تجاربكم ونصائحكم
رااااح ادخل بالموضوع دووووغري
انا قربت الثلاثين وشخصيتي من سيئ للأسوأ واكتشفت اني امتلك
(الشخصيه الفصاميه) وليست انفصام الشخصيه فقط للتوضيح
يعني باااارده جداً مافي شيئ يفرحني أو يضايقني 
ومااحب اطلع من البيت ابدا لا مع اهلي ولا مع صديقاتي
وحتى لما اطلع والله العظيم كأني مغصوبه بس اضطر اروح للسوق تدرون 
احنا يالحوائيات مانستغني عن الشوبينق من فتره لفتره 
اروح مناسبات وحفلات بس نادراً عكس لما 
كنت صغيره مافي مناسبه مارحتها
حتى لما امي تكون تعبانه اروح مع خالتي ههههه عشان مايفوتني شيئ
والله يابنات لدرجة اذا رن تلفون البيت ماارد لو ينحرق
حتى احيانا لما جوالي يدق ماارد 
انا مستمعه جيده لكن للأسف مااعرف اسولف أو بالأصح مااعرف افتح مواضيع يعني اللي يجلس معاي راح يحس بالملل 
بصراحه مليت وتعبت من وضعي لأن سلبياتي اكثر من اجابياتي
ودي اتغير واحس بطعم الحياه دائماً منعزله واحب الوحده بشكل جنوني
حتى ف البيت اشغل نفسي عشان مااجلس مع اهلي وهالشيئ متعبني
لدرجة اني ماابي اتوظف مع اني جامعيه آآآآه بس احس بغصه
مااحب اشتكي لاحد واحياناً امي االله يسامحها تسمعني كلام جاااارح واكتم في قلبي 
شخصيتي ضعيفه مااعرف ارد على احد لو غلط علي ،،مااقصد اني ارد على امي لا،،مهما كان هذه امي وواجب عليّ برها
الشيئ الوحيد اللي يشفع لي اني طيوبه واهتم بنفسي طبعاً ومن اسمي
اعشق الاناقه ههههه 
حاولت مرات كثيره اني اغير من حياتي بس للأسف كل محاولاتي فاشله 
طلبتكم يـ اخواتي اللي كانت بمثل وضعي او مشابه له وتغيرت لاتبخل علىّ 
وودي اسألكم المراكز اللي يكون فيها استشارات مجانيه بالتلفون مضمونه؟
اذا البنت مااستمتعت بشبابها متى تستمتع اذا شاب شعر الرأس 
وانحنى ظهرها وذبل شبابها ..
انا اسفه طولت عليكم لكن قلت لكم الكلام اللي ماعمري قلته لا احد 
ورجاءً اللي بترد بكلام جااارح توفر ع نفسها ..