مين مثلي ما تلقى مكان تروح له

مدري الزمان اللي تغير والا الناس اللي تغيرت 

ليش محد صار يبي الثاني لأحد يزورنا ولا حد وده يستقبل 
المشكله اقاربنا كثير بس استحي أطب عالناس وانا مدري يبوني او لا ودايم اقولهم تعالو زورونا بس يبون دعوة رسميه شوي واسحبهم من بيوتهم 

نفسي نجتمع ونسولف ملينا من حياتنا كل ويك اند سوق وتسوق ماغير نشتري بهالملابس ونحط ولا لبسناها 

حتى قمت أدور صديقاتي القديمات لقيت كل وحده لأهيه بيتها ووظيفتها ما يبغون يتواصلون أبد 

دخلت معاهد ادرس سوينا قروب بالواتس اب وكنا نطلع كفيات ومطاعم وبس خلصنا دراسه لقيت نفسي بالقروب لوحدي وحاطين عند اسمي انت مشرف القروب 😕يعني يتواصلون اذا فيه مصلحه خلصت المصلحة خلاص ما كننا جلسنا وضحكنا وأكلنا ناس غريبه من جد 

احس زمان كان غير كذا كنا اجتماعيين  وكنا نتواصل  سبحان مغير القلوب والأحوال