مين مثلي معلقه

مين مثلي معلقه في بيت اهلها لاهي متزوجه ولاهي مطلقه وزوجها مو راضي لايطلق ولا يرجع
مليت من التفكير ومن الحياه كامله لا وبعد كل يوم يقولي باتزوج عليكي وباضحك الناس عليك وانا ماني مصدقه يسوي كذا اقول بس اسلوب تهديد
والى الان ماعرف وش نهايتي انا وياه ودي احد يدلني على شي اسويه في بنات يقولون خذي رقم غريب وراسليه رسايل خليه يحس بالندم وناس يقولون طنشيه وامي تقول الله لايرده
واخوي يقول ماعاد بنسكت اكثر من كذا
وقلبي يقولي بنتي ماابغاها تبات يوم بعيده عني راح انتظر واللي يبغى يتكلم يتكلم ماهمني الناس كل همي بنتي ابيها تعيش بين ابوها وامها ودي ارجع له بس اخاف ياخذ بنتي ويطردني واتوقع يسويها مادام مايحترمني ولا يحترم اهلي
ااااااااااااااااااااااه كل يوم انحرق من داخلي مية مره اتمنى اني تجيني رساله منه يقول انا جاي لكم او يجيني اتصال يقول ابغاك ترجعي ومستعد البي كل شروطك لكن متاكده مابيصير لا هذا ولاهذا
سمعت انه بيتزوج علي حقيقه وهو بنفسه قال بس خايفه اطلب الطلاق واكلم اهلي اقولهم ماعاد ابيه ويكون بس يبغى يضغط علي والله ماني عارفه حتى الدموع والبكى ماعاد اقدر ابكي بس منذهله مع اهلي في البيت بس مو معهم الا بجسدي تفكيري كله معاه
حلمت فيه حلم تحلمت فيه واهو نايم على السطح وفي عز البرد ونايم بملابس داخليه وبطانيته اهي بطانيه عند اهلي نفس شكلها وانا فتحت عليه الباب واساله اقول ليش نايم هنا في البرد وبالشكل هذا من دون مانسلم على بعض ولاشي واهو مايرد على سؤالي وفرحان ويقولي متى رجعتوا وكان شكله مره تعبان مسمر وله لحيه ونحيف وجه
هذا الحلم بس الى الان مالقيت احد يفسره
ماادري اخاف يكون مريض او فيه شي وانا ظلمته والله ماني عارفه شي ودي اموت بس اتذكر بنتي اقول لا هي الشي الشخص الوحيد اللي موتي وموتها واحد استغفر الله العظيم
الناس فرحانه وتطلع وتروح وتجي وانا بس افكر واتحلم وجوالي مايفارق يدي وكل يوم يخطر في بالي شخص اكلمه
فعلا ماعلى الدنيا مستريح