مين مرت بمحنة اوشدة والله فرجها..ساعدوووووني؟؟

الله يفرج همج وهمي

والله يااختي يعجز لساني عن ذكر المواقف اللي الله نجاني فيها او استجاب فيها دعائي منها مثلا

توظفت بمدرسة بعيده عن بيتنا ومو بس جذي كنت مو مرتاحه فيها وايد يعني ما اقدر اوصف لج اللي فيها من طلبة ومن مدرسات وطلبت من الله انه يسهل لي كل عسير ويقرب لي كل بعيد والكل كان يقول توج متوظفه مستحيل تقدرين تنقلين وكنت مصرة اني انقل واطلب من الله وبعد كل صلاة وبكل جمعة ماابطل من الدعاء ورحت العمرة وطلبت من ربي و الله ما رجعت من العمرة الا ربي مستجيب دعائي وناقليني الى مدرسة يم بيتنا بالظبط يعني 5 دقايق فقط بينها وبين بيتنا

شي ثاني كل مرة يمرض فيها احد من هلي ادعو ربي والله ما يخيبني واذا قلت لج يمرض واحد من هلي فاعلمي انه مو مرض عادي يا خبيث يا الاعظم والله يكون في العون

شي ثالث انا قاعدة ادعو ربي ان الله يرزقنا وينولني اللي في بالي بس اكيد في حكمة في انه الله مااستجاب دعائي للحين اسئل الله لي ولك ان شاء الله التيسير وتسهيل كل عسيرة والله يقرب كل بعيد اللهم امين

خلي املك في الله كبير ولا ينهز ابدا التعب والوسوسه هذي من الشيطان عشان تياسين
لا تقنطي يا حبيبتي وخلي رجائك في الله عظيم
انا لي 11 سنه من ازمه في ازمه واخر وحده مدتها حوالي 5 سنوات ومابعد فرجها ربي الله يفرج لنا ولكم
حبيبتي صلي وادعي ووكلي امرك لله
ارمي حملك عليه
وفوضي امرك لله وكلك رضا وقناعه بالفرج القريب
وترى ما تضيق الا وتفرج ان شاء الله وبحوله وقدرته
وتصدقي فلا يخفى عليك اثرها
والعلاج الناجع باذن الله هو الاستغفاااااااااااااااااااااااااااار
واهم شي اهم شي انك تحتسبي الاجر عند الله عشان ما تضيع عليك في الدنيا والاخره
واسال الله العظيم ان يفرج كربي وكربك وكرب كل مسلم عاجل غير اجل
اميييييييييييييين يا رب العالمينننننننننننننننن:26: :26: :26:

سهام الليل لا تخطئ ولكن *** لها أمد وللأمد أنقضاء

اختي ماااااافيه انسان مامرت عليه محنه او شده وكمان لعدة سنوااااات وليست 6 اشهر فقط.......

صلي كل ليله وادعي ربك بقلب خااااشع وانتي تبكين ..وادعي بعد الصلوات المكتوبه وعند نزول الامطار...وبين الاذان والاقااااامه... واكثري الاستغفار وقراءة القرآن والله يفرج همك وهمي...
اللهم آآآآآآآآآآآآآآآآآآآمين :26:

الله يجزاكم خير ومشكووورين وماقصرتو والله يفرج همنا اجمعن آآآآآمين يااارب والله اني متفائلة بفضل الله عزوجل بس احيانا اعوذ بالله اضيييق مرة واتعب واكثر شي كلام اهلي تعبني بالحيل بس الله موجود وانشاالله تفرج ادعووولي رجاااء.