مين مرت بنفس حالتي او مشابه لها ؟؟!

السلام عليكم ورحمه وبركاته
يعطيكم العافيه اخواتي الغاليات
طبعا انا جديده في المنتدى ومن سويعات قليله سجلت فيه ههههه ابغى اسالكم عن حالتي اذا فيه احد مره فيها>> الله لايوريكم ويبعد عنكم كل شر ويحفظكم من كل مكروه
في البدايه وانا اختكم من طفولتي حتى قبل سنتين او
ثلاث من الحين كنت مرحه ابتسامتي 24 ساعه مبتسمه كان احب ابتسم في وجه اي احد ومن قلب تطلع لدرجه حتى لو ماعرفهم و يردونها لي بابتسامه اوسع محبووبه من صديقاتي كلهم يفضلوني عن الباقي وكمان اهلي واقاربي حتى الا مايعرفني يرتاح لي كنت طيوبه و بس اضحك اضحك حتى لو هموم الدنيا كلها فيني اضحك واكتم ولا ابين ضيقتي ومازعل من احد ولا اعرف احقد ولا اشيل على احد صدري وسيع للكل احب الناس كلها حتى الا ماعرفهم احبهم ولو امر بوحده اعرفها او ماعرفها ادعي لها ليه !؟؟مادري وكنت خبله وكلي حيويه والجديه في وادي وانا في وادي متفوقه في دراستي و شووي دبدوبه
الحين الله لايوريكم ولا كانه انا
تقريبا نزل وزني حوالي من 15 ل20 كيلو كذا فجاءه عشان كذا جسمي كله الحين ترهلات و تجاعيد وربي كان عمري 40 سنه مو 20 و في عز شبابي شعري تساقط الا طاح ثلاثه ارباعه وصار خفيف مره ولا اقدر افتحه ولا اظفره فجاءه كمان بس جلس يتساقط شهر ونص تقريبا وربي خصل كان ينزل ومتواصله في بعض .. بعد ماكان طويل طوله حتى نهايه خصري وكثيف وناعم
ولا عضو في جسمي سليم كل شي فيني فيه عله والحمدلله
صرت عصبيه عصبيه دائما متضايقه ضيقه الصدر ماتفارقني وكثير مرات ابكي بدون سبب احس بكتمه دائما وحزن واحيانا من كثر مااحس بالحزن ماقدر ابكي مادري ليش ودي ابكي عشان ارتاح بس ماقدر ابكي فامر بحاله مايعلم فيها الا الله وصرت جديه ومتبلده ما اهتم ولا احس ولا اعرف ابتسم زي اول لو لو ابتسمت ابتسم ل اللي اعرفهم ومجامله و بالموت تطلع و فاشله في دراستي لاني انسسى وانسى بشكل مخيف اسسرح كثير 24 ساعه سرحانه و مااركز وصرت اكره الجامعه ونفسي وصديقاتي واهلي (( وهذا الا كاسر ظهري اهلي ماحبهم مثل اول ))والناس كلها اكرها ومااحب اضحك لو اضحك مره ابكي بعدها اسبوع صرت مزاجيه اي كلمه تضايقني واي شي ينرفزني اشياء تافه تعصبي وترفع ضغطي وانا الا اول مازعل لو ايش والحين قلت محبه اهلي وصديقاتي لي بسبب عصبيتي ونفسيتي الزفت ابتعدت عن الناس وصديقاتي وانقطعت عنهم صرت احب العزله ولا اهتم باحد و مااحب اداوم للجامعه او اخرج مناسبات ولا جمعات ولا ابغى اتواصل مع احد
حياتي انتكست و تعسرت اموري كلها الدنيا قفلت في وجهي من كل النواحي مستحيل يمر يوم من غير مابكي خصووصا بعد مافقدت غالي عليا كثير خلاص انتهت حياتي ولليوم عادني ابكيه وصارت دنيتي بلاطعم واي فرحه لي بعده احسها يتيمه ولا اقدر افرح من قلبي
صرت ماعرف من الفرح والسعاده الا اسمها
نفسي اختفي عن العالم ودي اهج من الكره الارضيه كلها احب العزله كثير بعد ماكنت اجتماعيه بالمره
ودي ربي يطهرني من كل ذنب وياخذني له لاني خلاص مابغى اعيش والحمدلله على كل حال
حتى الدعاء احسني ماقدر ادعي زي اول والله العظيم احيانا اصلي الوتر واجلس ساعه ساعه ونص كذا جالسه بدون لا ادعي مع انه كان احب العبادات عندي الدعاء اجتهد في الدعاء واجلس من ربع ساعه لنص ساعه ادعي
احس بعجز ويأس عمري ماحسيت فيها عشان كذا صرت دائما بس ادعي ((اللهم لاتجعل مصيبتي في ديني ))
انا الحمدلله ملتزمه وهذا بفضل ربي كنت اقرى سوره البقره كامله يوميا واستمريت عليها شهر تقريبا بدون مقاطعه
بعدها الحمدلله اقراها بس مو يوميا يوم يومين ثلاثه كذاواقراءها كامله وملازمه الاستغفار الحمدلله من سنين ولله الحمد والمنه
سامحوني طولت عليكم بس هذي حالتي اول وحالتي الحين بالتفصيل
ودي اعرف ايش فيني صرت كذا
كلهم تغيرتي تغيرتي وربي مو بيدي
والله اكتب لكم وانا ضايقه فيني الدنيا بما رحبت والحمدلله ياخواتي انا ماني متعوده اشكي لاحد غير لله سبحانه وتعالى واول مره في حياتي اشكي لاحد غيره
بس ابغى اعرف مين مرت بشي من يلي انا فيه!؟ ابي اعرف ايش بلاي مادري عين مادري سحر مادري مس والعياذ بالله
وانا لاحظت اول اذا حافظت على سوره البقره احلم بوزغ دائما والحين يلي يتكرر علي نساء مجهولات يناظروني ولابسين اسود واحلم بكثره بضياع عبايتي او خاتمي واجلس ادور لها حتى القاها
ولو وحده عندها رقم شيخ ثقه تعطيني باساله
وابيه يشخص لي حالتي عن طريق الاسئله وانا اعالج نفسي وكله بيد الله سبحانه
الله يجزاكم خير ويعطيكم العافيه
والسلام عليكم ورحمه الله وبركاته