انصحك اختي بتهوية الحمام يعنى تفتحي شباك الحمام وشباك اي غرفه قريبه منه يعني نسوي تيار هواء ولو كان عندك مكيف صحرواي افتحيه وهو بيطلع الريحه وحاولي تجيبين سباك يفك الكراسي وينظف من تحتها انا كانت عندي نفس مشكلتك والحمدلله تخلصت منها ولا تنسي تعلمينا بالنتائج

اولا الاخت اللي قالت كبي ديتول مركز انا ضحكت عليك لاتزعلين مو استهزاء
ولكن لأني بدال الديتول كبيت عشره وكله مركز في مركز
والله يااختي ولا كأني اسوي شي وهذا القهر
فلوس راحت على المنظفات لهذا الحمام بس ولا في فايده
اما الاخت اللي تقول فيه فار ميت او ماعرفو يعملو طقم الحمام مظبوط فكل شي وارد وممكن بس كيف انا اعرف هذي المشكله
اخاف اجيب سباك مايعرف راسه من رجليه ويتفلسف علي وهو مايعرف
وصارو السباكين اغلبهم ماعندهم خبره بس اتعلمو يعملو كم حاجه سمو نفسهم سباكين
اما الاخت ريريتا وجزاها الله الف خير على الشرح المطول فأحب اقولها
انه سبحان الله
اول ماجيت الشقه هذي جبت معايه كيس اسمنت وملعقه تبع الاسمنت من محلات ادوات البناء اشتريته بنفسي
بس مااخذته لهذي المشكله
اخذته لأن تتريبات السيراميك والبلاط في الحمام ماكانت مظبوطه وكنت ابغى اعيد عليها بالاسمنت الابيض
لكن الى الآن مااستخدمته
راح احاول اليوم والبزوره نايمين اشوف كراسي الحمام واعاينها تمام
واذا فعلا حسيت الريحه منها حبدأ الشغل باذن الله بالاسمنت
شاكره لك ولأخواتي الاخريات وجزاكم الله خير
بس ماتحسو ان اغلب المشكلات هذي في العماير والشقق اللي بالايجار.؟
حسبي الله ونعم الوكيل
الواحد اذا بيته يظبطه تماااااااااااااااام
اما اذا بيسويه للناس يسويه اي كلام
لكن الحمدلله
ويمكن شر الله يبعده عنا وممكن بسورة البقره يروح
راح اسوي اللي اقدر عليه لأن الريحه غير طبيعيه وفعلا تدخل لغرفة نومنا والكل يشمها
احراج غير عادي
انا خلصت بخوري ومنظفاتي وعطوراتي وهذا كله في اسبوعين مع اننا سكنا من اسبوعين بس
والله خساير
لازم حل جذري وان شاء الله الاقي الحل بعونه تعالى
كل عام وانتو بخير
ارجع واقولكم على النتايج

ا\ا حمامك على منور ممكن الريحه منه فيه شئ وسخ شئ ميت طلي فيه شوفي وش فيه

على فكرة ...لاحظت انه لما يكون في الحمام ريحة دائمة ..تزيد مع تشغيل الشفاط حق الريحة ..يعني إذا في حمامك ريحة زي هذي لا تشغلين الشفاط لأنه راح يسحب الريحة من حذافيرها ..ههه
جربوا وشوفوا .
وشكرا للي جابوا حل ..ولأم ريريتا على التفصيل .>>>صار الموضوع موضوعها الاخت ...

هلا اختي .. نفس المشكلة اللي واجهتني ..
كان حمامي ريحته شينة زي ريحة البلاعات و تطلع تحديداً من المغسلة ..
لين صارت المشكلة من ان المغسلة مالها كوع .. هو اسمه كذا لا تضحكين ... شغلته انه يجمع شوية موية هالموية شغلتها انها ما تخلي الموية تنزل عشان ماتطلع الريحة من البلاعة ..
تأكدوا فقط من هالشغلة .. جيبوا سباك و خلوه يشوف المغسلة .. او كوع الافرنجي ... و بتروح بإذن الله :)