لا والله ياحبيلك طيوفه واضح كتابتك ياقلبي ومفهوم

تسلمين حبيبتي

ممكن تقوليلي وش تحسين في راسك بالضبط وماسك ع طول ؟؟
والدوخه كيف ؟؟

انا من بعد الفطور وانا احس بطني كله غازات وخمول مع ان اكلي عادي مافيه شي
الله يشفينا يارب

لازم نساعد بعض عشان نكون اقوى من المرض ♥♥

انا جتني من سنه ونصف حالة هلع وخوف فجأه وانا كنت اتعشى واعراضها دوخه وخفقان وارتخاء بالجسم وضيق تنفس وتعب بعدين انا قمت بسرعه من الاكل خفت انه الموت بعدين خفت الاعراض بس باقي ثقل النفس وطولت الحاله ودخلت بدوامة وساوس انه فيني مره عين ومره مرض خطير وبس ابحث بالنت وزاد لين صار عندي حاله نفسيه وخفت الحاله صار عندي شد باعلى البطن ويزيد مع الجوع واحس باجهاد وتعب وثقل نفس اوقات خفيف واوقات يضايق واحس المرئ يشد احيانا وحللت قالوا دوسنتاريا واستعملت علاج لكن الثقل مازال وحللت من بعد سنه لاني اعاني من خوف ووسواس من امراض خطيره وطلع ارتجاع مرئ والتهاب قالون وفيه لكم الكرامه دم بالبرازوبكتيريا وهو اللي مخوفني وعطوني علاج بس ماداومت عليه ومازال الدم بالبراز يعني مو واضح الا بالتحليل. ًوالدوخه لي كم شهر بس احس فيها. يعني ع فترات. اوقات وانا راقفه اوقات وانا جالسه اوقات وانا جوعانه اوقات اصير توني آكله. يعني مدري هي ايش بالضبط الله يشفينا واياك وجميع مرضى المسلمين يارب.

يعني خفيفه واوقات مع الدوخه كنه مضغوط من الخلف. واًوقات معه حراره خفيفه ع المكان نفسه. يعني اصير ودي افركه بيديني وكذا اسوي له مساج يعني احيان يضايق بس الدوخه تضايقني اوقات اللهم لك الحمد اصير احس انه كنه خفيف راسي او كني مويه اعوم شوي ويخف ويرجع اوقات ربي لك الحمد.

ذكرتيني بحالتي قبل سنه جيت بنام اول ما انسدحت حسيت كانه شي يمشي من رجولي ووقف عند حلقي
حسيت كانه احد يخنقني قلت خلاص هذا الموت ماله تفسير ثاني لانه يبدا من الرجول
واقوم مره مكتومه وحالتي حاله وطلع كله من القولون سبحان الله الغازات تضغط على الصدر عشان كذا حسيت بكتمه
مشكلة القولون كل مره اعراض غير عشان كذا نتوتر حتى لو كنا عارفين
انا راسي احسه ع طول ثقيل وكان فيه شي جوته مدري كيف اوصفه مرات اسوي كمون احطه في مويه واغليه واجيب منشفه واغطي راسي
واستنشق البخار احس اني ارتاح شوب حتى الرؤيه تصير صافيه ولي 3 ايام على صبخات الراس حقت هواء الراس اقةل يمكن فيه هواء في راسي