غـ نجد ـلآ :

ياسلام اذا كل وحده مو وصارت مرشدة طلابية كدينا خير احنا خريجات الخدمة الاجتماعية وين نروح ؟؟ لانقدر ندرس و التخصصات الاخرى ماخذه مجالنا كل وحده تمسك ارضها وتقعد بتخصصها تخصص الارشاد الطلابي صعب مو سهل زي ماهو متصور لك ولا هو بدبلوم تأخذينه يكفي انك تمسكين حالات فردية وممكن تتعرضين لشكاوي من اولياء امور الطالبات اذا تدخلتي بمشاكلهم اللي تعيق دراستهم وكان سبب مشاكلهم الدراسية مشكلات اسرية صديقتي خريجة خدمة اجتماعية وبالتطبيق التخرج تقول بمدرستها اكتشفت طالبات مدمنات مخدرات ويجبون المخدرات للمدرسة وهالكلام بالرياض تقول وبغى يصير ذبح من احد اولياء امور احد الطالبات المدمنات وكل شيء جاء بوجه المرشدة الطلابية المشرفة على تدريبي وماكان تخصصها خدمة وبغت تروح ملح وصديقتي كانت كثير تنبه المرشدة عن هالطالبات انهم اغلب وقتهم بدورة المياة ومو بالحصص وكانت تطنش وتتعذر لها وتطالبها ماتتدخل بشغلها في الحقيقة لانها لو كانت مرشدة بحق وحقيقي كان كشفت المشكلة من بدايتها وكيف طالبات يجيبون مخدرات ويتوزعونها بالمدرسة ومحد درى ولا بعد تقول سنة كاملة وهم مدمنات ولا اكتشفوهم على آخر يوم باسبوع المراجعات وعن طريق ولي امر طالبة لقوا مخدرات بغرفتها وامها تنظفها وانا محدثتك حالياً خريجة خدمة اجتماعية وادرس ماجستير بنفس التخصص جاتني عروض كثيرة اشتغل بمدرسة بمراحل متوسط وثانوي ورفضت شرطي اذا اشتغل بمدرسة مرحلة ابتدائية ويالله انا ابي مستشفى او جمعية خيرية وللآن أعاني صعوبة في حل مشكلات الطالبات او اكتشافها هذا وهو مجالي لان صعب تتعاملين مع الطالبات وتحايلينهم عشان يفتحون قلبهم لك ويثقون فيك ويسردون مشكلتهم لك هذا غير ان عليك حفلات التخرج والانشطة اللا صفية والجمعيات غير المهام الادارية اللي بتوكل لك وانتي من كلامك تخصص كيمياء معناتها مرحلة ثانوية وبنات هالمرحلة معروفين بلكاعتهم وكذبهم في الختام ماابي اقطع رزقك بس اذا شخصيتك قوية ولك هيبة وعندك اسلوب تكسبين الطالبات وعندك ملاحظة قوية وتعرفين تفرقين بين الكلام اللي كذب او لا جربي تخوضين المجال او اطلبي من مديرتك تجربة ترم وشوفي بس اتمنى انك ماتقصرين بهالمجال لانه مجال حساس جداً وماتمسكين معه مجال الثاني اللي هو التدريس اشترطي اذا بتمسكين الارشاد ماتدرسين كيمياء لان يبي له تفرغ تام والله يوفقك

ياسلام اذا كل وحده مو وصارت مرشدة طلابية كدينا خير احنا خريجات الخدمة الاجتماعية وين نروح ؟؟...